இலங்கைபோரில் தொடர்புள்ள காரணத்தாலேயே காமன்வெல்த் மாநாட்டில் பங்கேற்பதில் மத்திய அரசு தீவிரம்காட்டுகிறது என, தமிழக பா.ஜ.க தலைவர் பொன்.ராதாகிருஷ்ணன் தெரிவித்துள்ளார்.

இதுகுறித்து ஞாயிற்றுக் கிழமை கோவையில் செய்தியாளர்களிடம் அவர் தெரிவித்ததாவது :

தமிழகத்தில் பா.ஜ.க.,வின் வளர்ச்சி தற்போது 2 சவீதத்திலிருந்து 10சதவீதமாக உயர்ந்துள்ளது. இனிவரும் காலங்களில் தமிழக அரசியலில் பா.ஜ.க முக்கியத்துவம்பெறும்; மாற்றங்களை நிச்சயம் ஏற்படுத்தும். திருச்சியில் நடைபெற்ற இளந்தாமரை மாநாடு, இந்தியளவில் ஒருதாக்கத்தை ஏற்படுத்தியுள்ளது குறிப்பிடத்தக்கது.

இலங்கையில் நடைபெறும் காமன்வெல்த் மாநாட்டில் இந்தியாசார்பில் யாரும் பங்கேற்க கூடாது. ஆனால் காங்கிரஸ் அரசு இந்தகாமன்வெல்த் மாநாட்டில் பங்கேற்பதில் தீவிரம்காட்டி வருகிறது. பங்கேற்காவிட்டால் இலங்கையில் நடைபெற்ற தமிழர்களுக்கு எதிரானபோரில் தங்களுக்குள்ளபங்கு வெளிப்பட்டுவிடும் என்ற அச்சமே இதற்கு காரணம்.

தமிழகத்தை பொருத்த வரை 1268 பஞ்சாயத்துகள் இங்குள்ளன. வரும் டிசம்பர் 1ஆம் தேதிமுதல் 12ஆம் தேதிவரை இந்த பஞ்சாயத்துகளில் உள்ள வீடுகள்தோறும் பா.ஜ.க பிரசாரம் மேற்கொள்ள திட்டமிட்டுள்ளது. காங்கிரஸ்ஸின் ஊழல்கள், வாஜ்பாய் ஆட்சியில் இந்தியாவின் வளர்ச்சி, குஜராத்முதல்வர் நரேந்திர மோடியின் எதிர் கால திட்டங்களை எடுத்துக்கூறி விழிப்புணர்வு செய்யவுள்ளோம் என்றார்.