கருஞ்செம்பையின் மருத்துவ குணம்

கருஞ்செம்பை இ லையை மைபோல அரைத்து கட்டியின் மேல் கனமாகப் பூசி வைத்தால், கட்டி அமுங்கிவிடும் அல்லது பழுத்து உடையும்.

சிலவகைக் கட்டிகள் பழுத்து உடையாது. கட்டியாகக் கிளம்பி அப்படியே நின்றுவிடும். இப்படிப்பட்ட கட்டிகளை அமுங்கச் செய்யக் கருஞ்செம்பை இலையை சிற்றாமணக்கெண்ணெய்யில் வதக்கி, கட்டியின் மேல் வைத்துக் கட்டி வந்தால் மூன்றே நாட்களில் இருந்த இடம் தெரியாமல் மறைந்துவிடும்.

கருஞ்செம்பை இலையை மைபோல அரைத்து, காயத்தைச் சுத்தம் செய்து விட்டு, காயத்தின் மேல் கனமாக வைத்துக் கட்டிவிட வேண்டும். மறுநாள் கட்டை அவிழ்த்து மருந்தை எடுத்துப் பார்க்க வண்டும். மருந்து தனியே வந்து விட்டால், அதை எடுத்து விட்டுப் புன்னைச் சுத்தம் செய்து, மறுபடி இலையை அரைத்துக் கட்ட வேண்டும். எடுக்க வரவில்லை யானால் அப்படியே விட்டு விட வேண்டும். புண் ஆறிய பின் இலை தனியே வந்து விடும். அது வரை ஈரம் படாமல் பார்த்துக் கொள்ள வேண்டும்.

சில பெண்மணிகளுக்கு மாதவிலக்கு ஒழுங்காக வெளியேறாது. இதனால் வயிற்று வழியும், சில தொந்தரவுகளும் உண்டாகும். இதை ஒழுங்கு படுத்தி மாதவிடாய் ஒழுங்காக வெளியேறக் கருஞ்செம்பை இலையை நைத்துக் கசக்கிப் பிழிந்து சாறு எடுத்து, துணியில் வடிகட்டி, 8 தேக்கரண்டியளவு எடுத்து, காலை வேளையில் வெறும் வயிற்றில் கொடுத்து விட வேண்டும். இந்த விதமாகத் தொடர்ந்து மூன்று நாட்கள் கொடுத்து வந்தால் மாதா மாதாம் மாதவிடாய் ஒழுங்காக வெளியேறும். பத்தியமில்லை.

ஒரு பெரிய இரும்புக் கரண்டியை எடுத்து அதில் இரண்டு சங்களவு நல்லெண்ணையை விட்டு 12 கருஞ்செம்பைப் பூவை போட்டு, கழற்சிக் காயளவு கஸ்தூரி மஞ்சளையும், அதே அளவு சாம்பிராணியையும் சேர்த்துக் கரண்டியை எரியும் அடுப்பில் வைத்து நன்றாக காய்ந்து, மருந்து சிவந்து வரும் சமயம் இறக்கி ஆறவைத்து, எண்ணையை மட்டும் இறுத்து தலையில் நன்றாகத் தடவி அரைமணி நேரம் ஊறிய பின் எப்போதும் போலத் தலை முழுகி வந்தால் நீடித்த தலைவலி, மண்டைக் குத்து இவைகள் பூரணமாகக் குணமாகும்.

சிரங்கு குணமாக கருஞ்செம்பை இலையை மைபோல அரைத்துக் காலையில் சிரங்கின் மேல் கனமாகத் தடவி மாலை வரை வைத்திருந்து, மாலையில் சுட்ட சிகைக்காய், மஞ்சள் வைத்து அரைத்த கலவையைப் போட்டுச் சுத்தம் செய்து, சாம்பல் ஒத்தடம் கொடுத்து தேங்காய் எண்ணெய் தடவி விட வேண்டும். இந்த விதமாக ஐந்து நாட்கள் செய்தால் போதும் சிரங்குகள் யாவும் மறைந்து விடும்.

இம்மரத்தின் பட்டையை சருகு போலக் காய வைத்து இடித்து சலித்து ஒரு வாயகன்ற சீசாவில் போட்டு வைத்துக் கொண்டு, காலை, மாலை ஒரு டம்ளர் காய்ச்சிய பசுவின் பாலில் போட்டுக் கலக்கி, தேவையானால் கொஞ்சம் சர்க்கரை சேர்த்துக் கலக்கி கொடுத்து விட வேண்டும். இந்த விதமாக 40 நாட்கள் தொடர்ந்து கொடுத்து வந்தால் உடலில் புதிய இரத்தம் உற்பத்தியாகும்.

தேள், பூரான், குழவி, வண்டு, சிறுபாம்பு, தேனீ மற்றும் சிறு விஷப்பூச்சிகள் கடித்து அதன் விஷம் காரணமாக உடலில் வலி, கடுப்பு, தடிப்பு மற்றும் ஏதாவது கோளாறு ஏற்பட்டாலும், காணாக் கடி சம்பந்தமான விஷம் காரணமாக ஏற்படும் கோளாறு நீங்கவும் கருஞ்செம்பை வேரையும் விதையையும் சம அளவாக எடுத்துக் காய வைத்து, உரலில் போட்டு இடித்துத் தூள் செய்து மாச்சல்லடையில் சலித்து வாயகன்ற ஒரு சீசாவில் போட்டு வைத்துக் கொண்டு, காலை, மாலை சுண்டைக்காயளவு வெண்ணையில் இரண்டு சிட்டிகையளவு இந்தத் தூளைப் போட்டுக் கலக்கிக் கொடுத்து வந்தால் எந்த வகையான விஷமானாலும் அது முறியும்.

Leave a Reply

Tamilthamarai

தற்போதைய செய்திகள்

ஆச்சார்ய லக்ஷ்மிகாந்த் தீக்ஷி ...

ஆச்சார்ய லக்ஷ்மிகாந்த் தீக்ஷித் மறைவுக்கு பிரதமர் மோடி இரங்கல் காசி விஸ்வநாதர் தாம்  அர்ப்பணிப்பு மற்றும் ராமர் கோயில் பிரதிஷ்டையில் ...

கள்ளச்சாராய விற்பனையை தடுக்க த ...

கள்ளச்சாராய விற்பனையை தடுக்க தவறிய திமுக அரசு-கண்டித்து ஆர்ப்பாட்டம் நடத்திய பாஜக -வினர் கைது சென்னை: கள்ளக்குறிச்சியில் கள்ளச்சாராய விற்பனையைத் தடுக்கத் தவறிய திமுக அரசைக் ...

இர தரப்பு உறவை மேலும் வலுப்படுத ...

இர தரப்பு உறவை மேலும் வலுப்படுத்த ஷேக் ஹசீனா மோடிக்கு அழைப்பு இந்தியா - வங்கதேசம் இடையேயான இருதரப்பு உறவை மேலும் ...

வங்க தேசத்தவர்களுக்கு மருத்து ...

வங்க தேசத்தவர்களுக்கு மருத்துவ விசா -மோடி அறிவிப்பு புதுடில்லி : பிரதமர் மோடி வங்கதேசம் வர வேண்டும் என ...

யோகா தினத்தையொட்டி பிரதமரின் உ ...

யோகா தினத்தையொட்டி பிரதமரின் உரை "யோகா பயிற்சி செய்பவர்களின் எண்ணிக்கை உலகளவில் அதிகரித்து வருகிறது" "யோகாவினால் ...

ஜம்மு-காஷ்மீர் சொந்த எதிர்கால ...

ஜம்மு-காஷ்மீர்   சொந்த எதிர்காலத்தை தீர்மானிக்கும் நாள் வெகுதொலைவில் இல்லை ஸ்ரீநகரின் ஷேர்-இகாஷ்மீர் சர்வதேசமாநாட்டு மையத்தில் (SKICC) நேற்று நடைபெற்ற, ...

மருத்துவ செய்திகள்

வெங்காயத்தின் மருத்துவ நன்மை

பல நாடுகளில் வெங்காயம் மருந்து பொருளாக பயன்படுகிறது. வெங்காயம் நமது வைத்தியதிலும் முக்கிய ...

கருந்துளசியின் மருத்துவ குணம்

நஞ்சை முறிப்பவையாகவும், சீரணத்தைத் தூண்டுபவையாகவும் செயல்படுகிறது.

முருங்கை பிஞ்சு

முருங்கை பிஞ்சை எடுத்து அதை சிறிது சிறிதாக நறுக்கி அதனை நெய்யில் வதக்கி ...