குஜராத் மாநிலம் அகமதா பாத்தில் நடைபெற்ற நிகழ்ச்சி ஒன்றில் மத்திய அமைச்சர் பிரகாஷ் ஜவடேகர் பேசியதாவது: மோடி சிறப்பாக ஆட்சிநடத்தி வருகிறார். 2016-17ம் ஆண்டில் மட்டும் புதிதாக 1 கோடி பேர் வருங்கால வைப்பு நிதி திட்டத்தில் இணைந்துள்ளனர். அப்படியென்றால், இந்த ஓராண்டில்மட்டும் புதிதாக 1 கோடி பேருக்கு வேலை கிடைத்துள்ளது.

காங்கிரஸ் துணை தலைவர் ராகுல் உள்ளிட்ட காங்கிரஸ் கட்சியினர், மோடி ஆட்சியில் வேலை வாய்ப்பின்மை நிலவிவருவதாக பொய்ப்பிரசாரம் செய்கின்றனர். ராகுல் போன்றோருக்குதான் இந்த மோடி ஆட்சியில் வேலையில்லை. முத்ரா யோஜ்னா திட்டத்தின் மூலம் 7 கோடி பேர் வேலை வாய்ப்பு பெற்றுள்ளனர். திறன் மிகுந்த இளைஞர்களுக்கு அப்ரன்டீஸ் பயிற்சி தரும் பொருட்டு, நேஷனல் கேரியர் போர்டல் துவக்கப் பட்டுள்ளது. அதிக வேலைவாய்ப்பு உருவாக்கித்தந்த மாநிலங்களை கவுரவிக்கும் வகையிலான விருதுகளை குஜராத் அரசு, முந்தைய ஐக்கிய முற்போக்குகூட்டணி அரசிடமிருந்து 9 முறை பெற்றுள்ளது.

காங்கிரஸ் மீ்ண்டும் ஆட்சிக்குவந்தால் பொருட்களுக்கு 18 சதவீத ஜிஎஸ்டி. வரி கொண்டு வரப்படும் என்று ராகுல் உறுதியளித்துள்ளார். மக்கள் பாதிக்கப்படக் கூடாது என்று மோடி தலைமையிலான நிர்வாகம், பெரும்பாலான மற்றும் அத்தியாவசிய பொருட்களுக்கு 5 முதல் 12 சதவீதம் வரையே ஜி.எஸ்.டி. வரியாக நிர்ணயி த்துள்ளது. ஆனால், ராகுல் சொல்லும்படிபார்த்தால், அனைத்து பொருட்களுக்கும் 18 சதவீத ஜி.எஸ்.டி. வரி விதிக்கப்பட்டால் மக்கள் கடுமையாக பாதிக்கப்படுவர். இவ்வாறு ஜவடேகர் கூறினார்.