கருப்பர் கூட்டம்” என்ற youtube சேனலை தடைசெய்யக்கோரி, பாஜக சார்பில் சென்னை மாநகர காவல் ஆணையர் அலுவலகத்தில் புகார் அளிக்க பட்டுள்ளது. அந்த புகாரில், இந்துக்கள் வழிபடும் கடவுளை ஆபாசமாக பேசி,வீடியோ வெளியிட்டுள்ளதாக கூறபட்டுள்ளது. அதனால், அந்த யூடியூப் சேனலை தடை செய்ய வேண்டும் என்றும், சம்மந்தப் பட்டவர்களை கைது செய்ய வேண்டும் என வலியுறுத்தப் பட்டுள்ளது. இதனிடையே, சென்னையில்,அண்ணாசாலை மற்றும் பூந்தமல்லி சாலையில் உள்ள பெரியார் சிலைகளுக்கு, மாநகர காவல்துறையினர் பலத்த போலீஸ் பாதுகாப்பு போடப்பட்டுள்ளது.

கருப்பர்கூட்டம் என்ற பெயரிலான யூடியூப் சேனல் நாத்திக கருத்துக்களை பரப்பிவருகிறது. இந்த சேனலில் சமீபத்தில், ‘ஆபாசபுராணம் சீரியஸ்- கந்த சஷ்டி கவசம்- கதாகாலட்சேபம்’ என்ற தலைப்பில் ஒருவீடியோ பதிவேற்றம் செய்யப்பட்டுள்ளது. இதில் கந்தசஷ்டி கவசம்பாடல், ஆபாசமாக விமர்சனம் செய்யபட்டுள்ளது. கந்த சஷ்டி கவசம் அல்லது ஸ்கந்த சஷ்டி கவசம் என்பது, இறைவன் சிவ பெருமானின் மகனான கடவுள் முருகர் தொடர்பான பாடல் ஆகும். 19ம் நூற்றாண்டில் கந்த சஷ்டிகவசம் இயற்றப்பட்டது. கடவுளைப் புகழ்ந்துபாடி அவரது பேரருளை பெறுவதை நோக்கமாகக் கொண்டது இந்தபாடல்.

தீய சக்திகளிடமிருந்து தங்களைக் காப்பாற்றிக் கொள்வதற்காக, உலகின் பல்வேறு நாடுகளிலும் வசிக்கக்கூடிய தமிழ் பேசக்கூடியவர்கள் வீடுகளில் தினமும் ஒலிக்கக் கூடிய பாடல் கந்த சஷ்டி கவசம். ஆனால், சமீபத்தில், கருப்பர்கூட்டம் என்ற இந்த யூடியூப் சேனல், ‘ஆபாசபுராணம் சீரியஸ்- கந்த சஷ்டி கவசம்- கதாகாலட்சேபம் என்ற  தலைப்பின் கீழ், கந்தசஷ்டி கவசம் பற்றி மோசமாக விமர்சனம் செய்து வீடியோ வெளியிட்டுள்ளது. இந்துக்களின் மத உணர்வுகளை புண்படுத்தும் வகையில் இந்த வீடியோவில் பேசக்கூடிய நபர் கருத்துக்களை தெரிவிக்கிறார். இந்துக் கடவுள்களின் புனிதத்தை அவமதிக்கும் நோக்கத்தில் பாலியல் சார்ந்த வன்ம பேச்சுக்கள் இதில் இடம்பெற்றுள்ளன.

யூடியூப் சேனலில் இவ்வாறு பேசியவர் ஜாமினில் வெளிவர முடியாத குற்றத்தின் கீழ் கைதுசெய்ய தகுதி உடையவராகிறார். இந்திய அரசியலமைப்பு சட்டம் பிரிவு 19 (1) A பேச்சுரிமையை குடிமக்களுக்கு வழங்கி இருந்தாலும்கூட அது கட்டுப் படுத்தப்பட்ட உரிமைதான். இந்த தண்டனைச்சட்டம், பிரிவு 295a கீழ் யார் ஒருவரும் தங்களுடைய கருத்து சுதந்திரம் அல்லது பேச்சுரிமையை பிற மதத்தினரின் உணர்வுகளை புண் படுத்த பயன்படுத்தக் கூடாது.

அவ்வாறு செய்தால் அது தண்டனைக் குரிய குற்றம் என்று தெரிவிக்கப்பட்டுள்ளது. ஆனால் கருப்பர் கூட்டம் யூடியூப்சேனல் வெவ்வேறு மதத்தினர் இடையே பகைமையை ஏற்படுத்தும் உள்நோக்கத்துடன் இந்த வீடியோவை வெளியிட்டுள்ளது.