விஸ்வரூபம் படத்தைத் திரையிடவேண்டும் என கோரி திருவனந்தபுரத்தில் எதிரும் புதிருமாக செயல்பட்டு வந்த பாஜகவும், இந்திய ஜனநாயக வாலிபர் சங்கமும் இனைந்து போராட்டம் நடத்தி வெற்றிபெற்றுள்ளனர் .

திருவனந்தபுரம் கைரளி திரை அரங்கில் விஸ்வரூபம் திரையிடப்பட்டது. அரசு நிர்வாகம்சார்பில் இயங்கும் அந்தத் திரையரங்கில் படம்பார்க்க போனவர்களுக்கு அதிர்ச்சி. படத்தைத் திரையிடமுடியாது என திரையரங்கு மேலாளர் கூறியதால் பெரும்சலசலப்பு ஏற்பட்டது.

இதனை கேள்விப்பட்ட பா.ஜ.க.வினரும், இந்திய ஜனநாயக வாலிபர் சங்கத்தினரும் சேர்ந்து திரைப்படத்தை திரையிட வேண்டும் என கோஷம் எழுப்பிபோராடினர். மாநில அரசு தடைவிதிக்காத பட்சத்தில், திரையிடமாட்டோம் என அரசு சார்பு திரையரங்கம் கூறுவது கண்டிக்க தக்கது என்று கூறி அவர்கள் போராட்டம் நடத்தினர். இதன்பின்னர் பலத்த சர்ச்சைகளுக்கும் கூச்சல் குழப்பங்களுக்கும் மத்தியில் படம் திரையிடப்பட்டது.