புத்தகயாவில் குண்டு வெடித்த 2 தீவிரவாதிகள் யார் என அடையாளம் தெரிந்தது என்று டெல்லி சிறப்புபிரிவு போலீசார் தெரிவித்துள்ளனர் .

பீகார் மாநிலத்தில் வரலாற்று சிறப்புமிக்க புத்தகயா கோயிலில் தீவிரவாதிகள் தொடர் குண்டு வெடித்தனர். இதில் 2 புத்ததுறவிகள் காயம் அடைந்தனர். குண்டு வெடித்தவர்கள் பற்றி துப்புக்கொடுத்தால் ரூ.10 லட்சம் பரிசுவழங்கப்படும் என்று போலீசார் தெரிவித்துள்ளனர்.

இந்நிலையில் புத்தகயாவில் குண்டு வெடித்த தீவிரவாதிகள் 2 பேர் அடையாளம் தெரியவந்துள்ளது என்று டெல்லி சிறப்புபிரிவு போலீசார் தெரிவித்தனர். இவர்கள் இருவரும் இந்தியமுஜாஹிதீன் தீவிரவாத அமைப்பைசேர்ந்தவர்கள் என்றும் இரண்டுபேர்களில் ஒருவர் பெயர் வாஹாஸ் என்ற அகமது. இவன் மகாராஷ்டிரா மாநிலத்தில் இருந்து கொண்டு நாசவேலையில் ஈடுபட்டுவந்தான். மற்றொருவன் பெயர் அசதுல்லா அஹ்தர்ஹத்தி என்ற தாப்ரெஜ். இவன் உபி.,யில் இருந்து கொண்டு செயல்பட்டுவருவது தெரியவந்துள்ளது.

இவர்கள் இருவரும் கடந்த 2010-ம் ஆண்டு மும்பையில் குண்டு வெடித்தனர். இவர்களை போலீசார் கைதுசெய்வதற்கு முன்பு தப்பிவிட்டனர். இவர்கள் இருவரும் மும்பையில் குண்டு வெடிக்க செய்த மாதிரியே கடந்த 2012-ம் ஆண்டு புனேயிலும் கடந்தாண்டு டெல்லியிலும் குண்டுவெடிக்க முயற்சிசெய்துள்ளனர் என்பது குறிப்பிடத்தக்கது.