மியான்மர், ஆஸ்திரேலியா மற்றும் பிஜி உள்ளிட்ட மூன்று நாடுகளுக்கு , 10 நாட்கள் அரசுமுறை சுற்றுப் பயணம் மேற்கொண்டுள்ள பிரதமர் நரேந்திரமோடி, முதற்கட்டமாக டில்லியிலிருந்து இன்று மியான்மர் தலைநகர் நயேபைதா சென்றடைந்தார்.

அங்கு நாளையும், நாளை மறுநாளும் நடக்கும் ஆசியான் இந்தியா மற்றும் கிழக்கு ஆசிய மாநாட்டில் பங்கேற்கிறார். அதன்பின்னர் மோடி ஆஸ்திரேலியா செல்கிறார். மியான்மர் புறப்படும் முன் தனது டுவிட்டர் இணைய தளத்தில் மோடி வெளியிட்டுள்ள செய்தியில், உச்சி மாநாடுகள், முக்கியமான இருதரப்பு சந்திப்புக்கள் மற்றும் 40 உலகநாட்டு தலைவர்களை சந்திக்கவுள்ளேன். இதற்காக மியான்மர், ஆஸ்திரேலியா ,பிஜி நாடுகளுக்கு செல்கிறேன். இந்தபயணம் தொடர்பான உங்களது எண்ணங்களையும், ஐடியாக்களையும் தொடர்ந்து என்னுடன் பகிர்ந்துகொள்ளுங்கள். என்று மோடி தெரிவித்துள்ளார்.