தற்போது அறிவிக்கப்பட்ட தேர்தல் தேதியை மாற்றி மே மாதத்தில் நடைபெறும் வகையில் அட்டவணையை மாற்றி-அறிவிக்க வேண்டும் என்று , தமிழக பாரதிய ஜனதா தலைவர் பொன்.ராதாகிருஷ்ணன் வலியுறுத்தியுள்ளார்.

இதுகுறித்து அவர் செய்தியாளர்களிடம் தெரிவித்ததாவது

தமிழகதேர்தல் வரும் ஏப்ரல் 13ந் தேதி நடைபெறும் என்ற தேர்தல் ஆணையத்தின் அறிக்கை தமிழக மக்களின் மனஉயர்வை புரிந்து கொள்ளாமல் அறிவித்ததாகவும் .

தமிழகம் எங்கும் தமிழ்-புத்தாண்டு ஏப்ரல் 14ந்-தேதி அதாவது சித்திரை 1ந் தேதி வர இருக்கிறது . தமிழக அரசு தமிழ் புத்தாண்டுதினத்தை தை1ந் தேதிக்கு அரசின்-அறிக்கையின் வாயிலாக மாற்றி இருந்தாலும் தமிழக மக்கள் இன்றும் சித்திரை 1ந் தேதியையே தமிழ் புத்தாண்டாக கொண்டாடி வருகின்றனர் .

எனவே தமிழ்-புத்தாண்டிற்கான முன் தயாரிப்புகளை ஒரு சில நாட்களுக்கு முன்பாகவே துவக்குவார்கள். மக்களின் உணர்வோடு-கலந்துவிட்ட இந்த தமிழ் புத்தாண்டிற்காக வீடுகளை-தயார்படுத்தவும் வழி பாட்டுத்தலங்களை தயார் படுத்துவதிலும் மும்முரமாக இருக்கும் ஏப்ரல் 13ந் தேதி தமிழக சட்டசபை தேர்தல் சித்திரை விழாவை சீர்குலைக்கும் செயல் என்று கருதுகிறேன்.

தேர்தல் ஆணைய அறிக்கைப்படி ஏப்ரல் 13ந்தேதி நடக்கும் தேர்தலின் வாக்கு-எண்ணிக்கை மே 13ந்-தேதி வைத்துள்ளது. வாக்கு பதிவு எந்திரத்தை ஒருமாதகாலம் காக்க வேண்டிய கட்டாயத்தை ஏற்படுத்தியுள்ளது . இந்த கால இடைவெளியில் தவறுகள் நடைபெற அதிக வாய்ப்பு உண்டு . தேர்தல் பிரசார ஒலி பெருக்கிகளும் பிரச்சனை தரும் மாணவர்களின் கவனத்தை படிப்பில் இருந்து திசை திருப்பும்.

இவ்வாறு பொன்.ராதாகிருஷ்ணன் தெரிவித்துள்ளார்