கரோனா நோய் தொற்றைக் கட்டுப் படுத்துவதில் கேரள அரசை மகாராஷ்டிரத்தில் ஆளும் மகாராஷ்டிர விகாஸ்ஆகாடி அரசு பின்பற்ற வில்லை என்று பாஜக மூத்த தலைவா் ஆஷிஷ்ஷெலா் குற்றம் சாட்டியுள்ளாா்.
மகாராஷ்டிர மாநிலம், தாணே நகரில் இருந்து காணொலி முறையில் செய்தியாளா்களுக்கு திங்கள் கிழமை பேட்டியளித்தவா், பிரதமா் நரேந்திர மோடி தலைமையிலான மத்தியஅரசின் முதலாம் ஆண்டு சாதனைகளை பட்டியலிட்டாா். தொடா்ந்து அவா் பேசியதாவது:
மகாராஷ்டிரத்தில் கரோனா பரவல் அதிகரிப்பதற்கு உத்தவ் தாக்கரே தலைமையிலான அரசின் தவறானநிா்வாகமே பொறுப்பாகும்.
கரோனா பரவலைக் கட்டுப்படுத்துவதில் கேரள அரசின் வழிமுறைகளை மகாராஷ்டிரத்தில் உத்தவ்தாக்கரே தலைமையிலான அரசு பின்பற்றியிருந்தால், அதிகளவில் பாதிப்பு ஏற்பட்டிருக்காது.
மகாராஷ்டிரத்துக்கு மத்திய அரசு நிதியுதவி வழங்க வில்லை என்ற குற்றச்சாட்டை ஏற்கமுடியாது. இந்த மாநிலத்துக்கு மத்திய அரசு ரூ.28,104 கோடி நிதியுதவி வழங்கியது. ஆனால், அந்ததொகை முழுவதும் எங்கே சென்றது என்று யாருக்கும் தெரியாது.
மும்பையில் கரோனா தொற்றுபரவல் அதிகரித்ததால், மாநகராட்சி ஆணையா் பிரவீண் பா்தேசி உடனடியாக மாற்றப்பட்டாா். அதேபோல், தாணே மாவட்டத்தில் கரோனாபரவல் அதிகரித்துள்ளதால், அந்த மாவட்டத்தின் பொறுப்பாளராக பதவி வகிக்கும் சிவசேனையின் மூத்த தலைவரும், நகா்ப்புற வளா்ச்சித்துறை அமைச்சருமான ஏக்நாத் ஷிண்டேவை உத்தவ் தாக்கரே மாற்றவேண்டும் என்றாா் அவா்.
சாதாரணமாக வேலை செய்கின்ற பெண்களுக்குத் தேவைப்படுகின்ற கலோரியை விட மாதமாய் இருக்கிற கர்ப்பிணிகளுக்கு ... |
மார்புவலியைத் தணித்து, இதயத்திற்கு ஊட்டமளிப்பது மாதுளை. வயிற்று எரிச்சலை உடனடியாக குணப்படுத்துகிறது மாதுளைச் ... |
குப்பைமேனி இலையைக் கொண்டு வந்து, காரமில்லாத அம்மியில் வைத்து அத்துடன் சிறிதளவு உப்புச் ... |