மத்திய அமைச் சர்களின் செயல் பாடுகளை ஆய்வுசெய்வதற்காக பிரதமர் நரேந்திர மோடி தலைமையில் நேற்று மத்திய அமைச்சரவை கூட்டம் நடை பெற்றது.

ஒவ்வொரு துறையின் செயல் பாடுகள் குறித்தும் ஏற்கனவே தகவல்களை சேகரித்துவைத்துள்ள பிரதமர் மோடி சம்பந்தப்பட்ட அமைச்சர்களிடம் அது பற்றி கேட்டறிந்தார். மேலும் அடுத்து மேற்கொள்ளவேண்டிய முக்கிய திட்டங்கள்குறித்து அவர் விவாதித்தார்.

அரசின் திட்டங்கள் குறித்து ஆலோசனைசெய்ய ஒவ்வொரு மாதத்தின் கடைசி புதன் கிழமைகளில் மத்திய மந்திரிகள் கூட்டம் நடைபெறும் என பிரதமர் நரேந்திரமோடி தலைமையிலான இந்தக்கூட்டத்தில் முடிவு செய்யப்பட்டுள்ளது. ஒவ்வொரு மாதமும் நடைபெறும் இந்தகூட்டத்தில் அமைச்சரவையில் இடம்பெறாத மாநிலங்களுக்கான மத்திய இணை அமைச்சர்களும் கலந்துகொள்வார்.

திட்டங்கள் நடை பெறுவதில் ஏற்படும் சிக்கல்களை களைவதற்காக பிரதமர் மோடியால் இந்த புதியமுயற்சி மேற்கொள்ளப் பட்டுள்ளது. இந்த மாதாந்திர கூட்டங்களில் ஒவ்வொரு மாதமும் குறிப்பிட்ட துறைகளில் கவனம் செலுத்தப்படும்.