வெள்ளம் மற்றும் வறட்சியால் பாதிக்கப்பட்ட தமிழகம், அசாம் உள்பட 7 மாநிலங்களுக்கு மத்திய அரசு ரூ.4,100 கோடியை ஒதுக்கீடுசெய்துள்ளது. இதில் தமிழகத்துக்கு ரூ.1,773 கோடி நிதி ஒதுக்கப் பட்டுள்ளது. தமிழகத்தில் கடந்தாண்டு இறுதியில் கன மழை பெய்து கடுமையான பாதிப்பு ஏற்பட்டது. இதனால், மாநிலத்துக்கு  நிதி ஒதுக்கீடு செய்யவேண்டும் என்று முதல்வர் ஜெயலலிதா, மத்திய அரசிடம் கோரிக்கை விடுத் திருந்தார். இது தொடர்பாக பிரதமர் நரேந்திர மோடிக்கு அவர் கடிதம் எழுதினார். இதேபோல், அசாமிலும் வெள்ளத்தால் கடும்பாதிப்பு ஏற்பட்டது. சுமார் 10 லட்சம் மக்கள் பாதிக்கப்பட்டனர். இதையடுத்து, அம்மாநிலமும் மத்திய அரசிடம் நிதிகேட்டது.

இதற்கிடையே, ஆந்திரா, ஜார்கண்ட், ராஜஸ்தான் உள்ளிட்ட 5 மாநிலங்கள் முன்னெப்போதும் இல்லா வகையில் கடும் வறட்சியால் பாதிக்கப்பட்டன. இதனால் அம்மாநில விவசாயிகள் கடுமையாக பாதிக்கப்பட்டு பலர் தற்கொலை செய்துகொண்டனர். இம்மாநிலங்களுக்கும் விவசாய பாதிப்புக்கு இழப்பீடு வழங்கவும், நிவாரண பணிகளுக்காகவும் மத்திய அரசிடம் நிதிகேட்டிருந்தன.

இந்நிலையில், உள்துறை அமைச்சர் ராஜ்நாத்சிங் தலைமையில் டெல்லியில் நேற்று நடைபெற்ற உயர்நிலைக் குழு கூட்டத்தில்,  வெள்ளம் மற்றும் வறட்சியால் பாதிக்கப்பட்ட 7 மாநிலங்களுக்கு, தேசிய ேபரிடர் நிவாரண நிதியில் இருந்து ரூ.4,087.27 கோடி ஒதுக்க முடிவு செய்யப்பட்டது. இதில் தமிழகத்திற்கு ரூ.1,773.78 கோடியும், ஜார்க்கண்டுக்கு ரூ.336.94, ராஜஸ் தானுக்கு ரூ.1,177.59 கோடி, ஆந்திராவுக்கு ரூ.280.10 கோடி, அசாமுக்கு ரூ.332.57 கோடி, இமாச்சல் பிரதேச த்திற்கு ரூ.170.19 கோடி, நாகாலாந்திற்கு ரூ.16.02 ஒதுக்கீடு செய்யப்பட்டுள்ளது.