சரக்கு மற்றும் சேவைவரி (ஜிஎஸ்டி) விதிப்பு முறையை அமல்படுத்துவதில் மாநிலங்களிடையே கருத்தொற்றுமையை ஏற்படுத்துவதற்காக தில்லியில் இன்று நடந்த ஜிஎஸ்டி கவுன்சில் கூட்டமானது முடிவு எதுவும் எடுக்கப்படாமல் கலைந்தது.

நாடுமுழுவதும் சரக்கு மற்றும் சேவைவரி (ஜிஎஸ்டி) விதிப்பு முறையை அடுத்த ஆண்டு ஏப்ரல் மாதத்தில் இருந்து அமல்படுத்தலாம் என்று மத்திய அரசு முடிவுசெய்துள்ளது. இந்த விஷயத்தில் மாநிலங்களிடையே கருத்தொற்றுமையை ஏற்படுத்துவதற்காக மாநிலபிரதிநிதிகள் கொண்ட  ஜிஎஸ்டி கவுன்சில் அமைக்கப்பட்டுள்ளது. அதன்படி மத்திய நிதியமைச்சர் அருண்ஜெட்லி தலைமையில் அமைந்த ஜிஎஸ்டி கவுன்சில் கூட்டம் நடத்தப்பட்டு, மாநில அரசுகளிடம் ஆலோசனைகள் பெறப் படுகின்றன.

இதில் கிடைக்கும் ஆலோசனைகளை உள்ளடக்கிசட்டத்தில் திருத்தம்செய்ய மத்திய அரசு முடிவுசெய்துள்ளது.  அந்தவகையில் ஜி.எஸ்.டி. கவுன்சில்கூட்டம் இன்று நடைபெற்றது. மாநில அரசுகளின் கருத்துக்களும் பெறப்பட்ட பின்னர் அடுத்தகூட்டம் 11 மற்றும் 12 ஆகிய தேதிகளில் நடைபெறும் என அறிவிக்கப் பட்டுள்ளது.

இக்கூட்டத்திற்குப் பின்னர் நிதியமைச்சர் அருண்ஜெட்லி செய்தியாளர்களை சந்தித்தார். அப்பொழுது அவர் , “ஜி.எஸ்.டி. க்கான வரைவுசட்டங்கள் குறித்து இன்றைய கூட்டடத்திலும் ஆலோசிக்கப்பட்டது. ஆனால், கருத்தொற்றுமை ஏற்படுவதற்கு மேலும் சிறிதுகாலம் ஆகும். எனவே மீண்டும் டிசம்பர் 11 மற்றும் 12ல் ஜி.எஸ்.டி. கவுன்சில் கூடஉள்ளது இவ்வாறு அருண் ஜேட்லி தெரிவித்தார்.