ஒருவர் என்னிடம் தொலைப்பேசியில் தொடர்புகொண்டு பேசினார்! அவர் கட்சிக்காரர் இல்லை! நான் ஒரு பொது நிகழ்ச்சியில் கலந்துக்கொண்டபோது அங்கு என்னிடமிருந்து என்னுடைய தொலைபேசி எண்ணை ஒருவர் பெற்று இவரிடம் கொடுத்துள்ளார்!

      தனியாக இருப்பதாக சொன்னார். ஆறடி அகலம் எட்டடி நீளத்தில் ஒரு ராமர் கோயில் கட்டியிருப்பதாகவும், அந்த கோயிலில்தான் தங்குவதாகவும் சொன்னார். வயது 62 என்றார். ஏதாவது. பண உதவி கேட்டார்!

      முதியோர் பென்சன் வாங்கலாமே என்றேன் அதை வாங்கிக்கொண்டிருப்பதாக ஒப்புக்கொண்டார்! முத்ரா வங்கித்திட்டத்தில் ஏதாவது வியாபாரமோ தொழிலோ செய்யலாம் என்றேன்! எனக்கு வயசாகிவிட்டது அதுவெல்லாம் செய்யமுடியாது, அமைச்சரிடம் சொல்லி ஏதாவது பண உதவி வாங்கிக்கொடுங்கள் என்றார்! அமைச்சரால் எப்படி முடியும்? அப்படி உதவுவதானால் எத்தனைபேருக்கு செய்யமுடியும்? எல்லோரும்தான் கேட்பார்களே என்றேன்!

      ஒரு அமைச்சரால் இது செய்யமுடியாதா என்று ஆத்திரமாக கேட்டார்!  அவருக்கும் அந்த சம்பளம்தானே உண்டு, அவருக்கும் தேர்தல் செலவெல்லாம் இருக்கிறதே என்றேன்! ஏதோ பார்த்து செய்கிறேன் என்று சொல்வதை விட்டுவிட்டு பேச்சாளர் புத்தியை என்னிடம் காட்டுகிறீரா? நான் எத்தனைபேரை பார்த்திருக்கேன்! எனக்கும் பேசத்தெரியும்! நான் எத்தனையோ பாஜக கூட்டத்துக்கெல்லாம் போயிருக்கேன், பாகிஸ்தான் காரங்க தலைய வெட்டி கொண்டாந்து விடுவோம்னு பேசுனாங்க! இப்போ என்ன செய்தாங்க? என்று அரசுமீது குற்றச்சாட்டு வைத்து கோபமாக பேசினார்!

     என்னை முன்பின் தெரியாதவர்! எனக்கோ கட்சிக்கொ எவ்வித உதவியும் செய்யாதவர்! அவர் எதிர்பார்த்த பதிலை நான் சொல்லாததால் அரசை குறை சொல்கிறார்! இந்த வகையில்தான் யஸ்வந்த்சிங், அருன்சோரி,மற்றும்  பரிவார் அமைப்பு ஒன்றின் தலைவராக இருக்கக்கூடிய சஜி நாறாயண்  ஆகியோர் அரசை குறை கூறுகிறார்கள்! உடனே எதிர்க்கட்சிக்காரர்கள் உங்கள் கட்சிக்காரரே சொல்கிறாரே உங்க சங் பரிவாரை சார்ந்தவர்களே சொல்ராங்களே! என்றெல்லாம் குத்திக்காட்டுகிறார்கள்! சங் பரிவார் என்றால் அவர்கள் பாஜக காரர்கள்தான் என்று இவர்களே முடிவு செய்துக்கொண்டு பேசுகிறார்கள்! ஆனால் உண்மை அதுவல்ல!

      நாட்டில் லட்சக்கணக்கில் சங்கங்கள் இருக்கின்றன! ஆனால் சங்கம் என்று சொன்னாலேயே அது RSS ஐ த்தான் குறிக்கும் என்று சொல்லும் அளவுக்கு நாட்டில் RSS ன் மரியாதையும் புகழும் வளர்ந்திருக்கிறது! தேச பக்தர்களையும் நல்ல மனிதர்களையும் உருவாக்குவது சங்கத்தின் செயல்! சங்கம் அதை தவறாமல் செய்கிறது! சங்கம் யாருக்கும் சான்றிதழ் தருவதில்லை! சங்கத்தில் விசிட்டிங் கார்டுகள் இல்லை! உறுப்பினர் அட்டைகள் இல்லை!

      நல்ல மருத்துவர்களை உருவாக்குவதுதான் ஒரு மருத்துவ கல்லூரியின் பணி! ஆனால் சிலர் கட்டடித்து சென்றுவிட்டு, போலி மருத்துவர்களாகவும் உருவாகி விடலாம்! நானும் சங்க கூடுதகுக்கு சென்றவந்தான் என பெருமையாக சொல்லிக்கொள்ளும் காங்கிரச் காரர்கள் கம்யூனிஸ்ட் காரர்கள் அதிமுக வினர் ஏன் திமுகவினரே உள்ளனரே! எனக்கு தெரிந்து சங்கத்தில் பயிற்சிபெற்ற தமிழகத்தை சார்ந்தவர்கள் பலர் ஜெயலலிதா விசுவாசிகளாக இருந்தார்கள்!

      சங்கத்தை பொறுத்தமட்டில் அரசியல் நிலைப்பாடு முக்கியமல்ல! அது வலியுறுத்துவது தேசபக்தியையும் நல்லொழுக்கத்தையும் தான்! சங் பரிவார் அமைப்புகளை சார்ந்தவர்கள் பெரும்பாலும் பாஜக ஆதரவாளர்களாகத் தான் இருப்பார்கள் என்பது நூற்றுக்கு நூறு உண்மைதான்! பெரும்பாலும் என்பதுதான் உண்மை! சிலர் பாஜகவை விரும்பாமலும் இருக்கலாம்! எனவே சங் பரிவாரை சார்ந்தவரே இப்படி சொல்லிவிட்டாரே! என்று ஆட்சரியப் படுவதற்கு ஏதுமில்லை! அவர் காங்கிரஸ் காரராகக்கூட இருக்கலாம்! நான் முதலிலேயே சொன்னதைப்போல சங்கத்திற்கு கட்சி முக்கியமல்ல!

     முத்ராவங்கி சேவைக்காக 2015-16, 2016-17,2017-18 ஆகிய நிதியாண்டுகளில் முறையே ரூபாய் 120000 கோடி, 180000 கோடி, 244000 கோடி என மொத்தம் 5 லட்சத்து 44 ஆயிரம் கோடி ரூபாயை பட்ஜெட்டில் ஒதுக்கியுள்ளது பாஜக அரசு! ஜாமீன் எதுவும் கோரப்படாமல் அதாவது உத்தரவாதம் இல்லாமல் செக்குருட்டி இல்லாமல் தனிமனிதன் இந்திய குடிமகன் என்னும் ஒரேயொரு அங்கீகாரத்திற்காக, தொழில் செய்ய வியாபாரம் செய்ய ரூபாய் 10 லட்சம் வரை வங்கியில் கடனாக கொடுக்கப்படுகிறது! எட்டு அல்லது பத்து சதவிகித வருட வட்டி! அதாவது முக்கால் சதவிகித மாத வட்டி! கடன் வாங்கி தொழில் அல்லது வியாபாரத்தில் பணத்தை முடக்கி ஆறுமாதங்களுக்குப் பிறகு லாபத்தில் ஒரு பங்கினை தவணையாக செலுத்தினால் போதும்!

     இந்தியாவில் 120 கோடி மக்கள் உள்ளனர்! 120 கோடி மக்கள் என்றால் 30 கோடி குடும்பங்கள்! முப்பது கோடி குடும்பங்களில் எட்டு கோடியே இருபத்திரண்டு லட்சம் கோடி குடும்பங்களுக்கு இந்த கடன் கொடுக்கப்பட்டுள்ளது! 8 கோடியே 22 லட்சம் கோடி நலிந்த தொழில்கள் அல்லது வியாபாரங்கள் அரசு உதவியால் மீண்டும் புத்துயிர் பெற்றுள்ளது, அல்லது புதிதாக தொழிலோ வியாபாரமோ துவக்கப்பட்டுள்ளது! இந்தியாவில் மீதமிருக்கும் குடும்பங்கள் 21 கோடியே 78 லட்சம் குடும்பங்களில் தேவைப்படும் குடும்பத்தினர் யார் வேண்டுமானாலும் முத்ராவங்கித்தொகையை பெற்று வியாபாரத்தை அல்லது தொழிலை துவங்கலாம் அல்லது நலிந்துபோன வியாபாரத்தை தொழிலை புத்துயிர் பெற வைக்கலாம்!

     இதற்காக ஒதுக்கப்பட்டுள்ள தொகையில் ரூபாய் 4 லட்சத்து 22 ஆயிரம் கோடி மட்டும் செலவிடப்பட்டுள்ளது! இன்னும் ரூபாய் ஒரு லட்சத்து இருபத்திரண்டாயிரம் கோடி இருப்பு இருக்கிறது! வரும் நிதியாண்டிலும் இத்தகைய தொகை இன்னும் ஒதுக்கப்படும்! யார் வேண்டுமானாலும் வங்கிக்கு வரலாம், பிரதமரின் முத்ராவங்கிகடன் என்று கேட்கவேண்டும்! வாங்கவேண்டிய பொருளுக்கான கொட்டேசனோடு வங்கிக்கு செல்லவேண்டும்!

      இவர் சொல்வது சரிதானா? இவரால் இந்த இடத்தில் இந்தவியாபாரத்தை செய்யமுடியுமா? தொழிலை செய்ய முடியுமா? என்றெல்லாம் வங்கியினர் விசாரிப்பார்கள். அதில் திருப்தி இருந்தால்தான் கடன் வழங்க முன்வருவார்கள். ஆனால் இவர் இந்த தொகையை திருப்பி செலுத்தவில்லையென்றால் என்ன செய்வது? அதற்காக சொத்து ஜாமீன் தாருங்கள், அல்லது வேறு யாரையாவது ஜாமீன் ஒப்பம் போடச்சொல்லுங்கள் என்று கேட்கக்கூடாது! மத்திய அரசுதான் ஜாமீன் போடுகிறது! வங்கியினர் கொடுக்கும் பணத்தை குறிப்பிட்ட வங்கிக்கு மத்திய அரசு கொடுத்துவிடுகிறது! இதுதான் முத்ரா வங்கி திட்டம்! இந்த கடனை வங்கிகள் வழங்க பயனாளிகளின் எண்ணிக்கை வரம்பே கிடையாது!

     இப்போது சொல்லுங்கள் இது ஏழைகளுக்கான திட்டமா? செல்வந்தர்கள் மற்றும் கார்பரேட் கம்பெனிகளுக்கான திட்டமா? மொத்தமாக இது இந்தியாவை முன்னேற்றும் திட்டம்! ஏழ்மையை ஒழிக்கும் திட்டமிது! எல்லா திட்டங்களும் ஏழைகளுக்கு பாதிப்பை ஏற்படுத்துவதாக உள்ளதென்று சக சித்தாந்த வாதியே சொல்கிறார் என்றால் அவருக்கு இந்த அரசால் ஏதோ பாதிப்பு ஏற்பட்டிருக்கிறது என்பதுதான் பொருள்! ஒரு நல்ல அரசின் காரணமாக தீயவர்களுக்கு பாதிப்பு இருக்கத்தான் செய்யும்!  

     எத்தனை காலம்தான் வீட்டை சுத்தம் செய்யாமல் இருப்பது? வீட்டை சுத்தம் செய்யவேண்டியது வீட்டுக்கு சொந்தக்காரனின் பொறுப்பு! நாட்டை சுத்தம் செய்யவேண்டியது நாட்டை ஆள்வோரின் பொறுப்பு! நதிகளில் கழிவுநீர் கலப்பதையும், ஆலைக்களிவுகள் கலப்பதையும் தடுப்பதும் நாடு முழுமையும் சுத்தமாக வைத்திருப்பதும்தான் தூய்மை இந்தியா திட்டம்! இது ஏழைகளின் சுகாதாரம் காப்பதும் எதிர்கால இந்தியாவை காப்பதுமான திட்டம்! சிலர் சொல்வதுபோல் இது கார்பரேட்டுகளுக்கான திட்டமல்ல!

     கள்ளப்பணம் மற்றும் கருப்புப்பண ஒழிப்பு நடவடிக்கையால் பாதிக்கப்பட்டவர்கள்தான் இதுநாள்வரை பாஜக அரசை விமர்சித்து வந்தார்கள்! இப்போது  பாஜகவில் அதிருப்தியாளர்களும் சேர்ந்திருக்கிறார்கள் என்றால் இது சிந்திக்கவேண்டிய விசயம்தான்! பண மதிப்பிழப்பு நடவடிக்கை நாட்டை சுத்தப்படுத்தும் நடவடிக்கையாகும்! இதில் குற்றவாளிகள்தான் பாதிக்கப்பட்டார்கள்! ஏழைகள் பாதிக்கப்படவில்லை!

     யாரிடமும் கள்ளப்பணமோ கருப்புப்பணமோ இருக்கவில்லை எனவும் இந்தியாவில் எல்லாமுமே சரியாகத்தான் நடந்துக்கொண்டிருந்தது எனவும் மோடிதான் நல்லவர்களை கஷ்டப்படுத்திவிட்டார் எனவும் காங்கிரஸ் காரர்களும் கம்யூனிஸ்ட் உள்ளிட்ட கட்சியினரும் சொல்கிறார்கள்! இதை ஏழைகள் நம்பவேண்டுமா?  குற்றவாளி தன் குற்றத்தை ஒத்துக்கொள்ளமாட்டான் என்பது எல்லோருக்கும் தெரிந்த விசயம்தான்! வங்கிக்கு 500 ரூபாய் 1000 ரூபாய் நோட்டுகள் 16 லட்சம் கோடி அளவில் வந்துள்ளது! இதில் 5 லட்சம் கோடி அளவுக்கு கருப்புப்பண அபராதமாக பிடித்தம் செய்யப்பட்டுள்ளது! அதுமட்டுமின்றி 2 லட்சத்து 28 ஆயிரம் கோடி கணக்குகள் இன்னும் ஆய்வு நடவடிக்கையில் உள்ளன! 5800 நிறுவணங்கள் முடக்கப்பட்டுள்ளன! சுமார் ஒரு லட்சத்து ஐம்பதாயிரம் கோடி கருப்புப்பணம் வங்கிக்கு வராமலேயே சம்மந்தப்பட்டவர்களால் அழிக்கப்பட்டுள்ளது!

     கருப்புப்பணம் என்பது கணாக்கில் காட்டாமல் வரி செலுத்தாமல் சேர்க்கப்பட்ட பணம்! கள்ளப்பணம் என்பது அண்டை நாடுகளில் அச்சடிக்கப்பட்டது! கருப்புப் பணத்திற்கான கணக்கு அரசிடம் இருக்கிறது கள்ளப்பணத்திற்கான கணக்கு அரசிடம் இல்லை! அது சுமார் 10 லட்சம் கோடி இருக்கும் என கணக்கிடப்படுகிறது! மோடியின் நடவடிக்கையால் இந்த 10 லட்சம் கோடியும் வெளியிலேயே முடக்கப்பட்டுள்ளது! இதனால்தான் பொருளாதார குற்றவாளிகள் எல்லோரும் வேறுபட்ட முகமூடிகளை அணிந்துக்கொண்டு அரசின்மீது சாடுகிறார்கள்! குற்றவாளிகளுக்கு ஆதரவாக கட்சிக்குள்ளும் சிலர் இருக்கலாம் !

     ரிசர்வ் வங்கிக்கணக்குப்படி 500,1000 நோட்டுகள் நட்டில் புழக்கத்தில் இருந்தது 17 லட்சத்து 50 ஆயிரம் கோடி! ரிசர்வ் வங்கியிடம் கள்ளப்பணம் குறித்த கணக்கு இல்லை! அது திருட்டுத்தனமாக அச்சிசப்பட்டு புழக்கத்தில் இருப்பது, அல்லது வெளிநாட்டிலிருந்து கொண்டுவரப்பட்டது! அந்த கணக்கு அரசிடம் இல்லை! கள்ளப்பணம் 10 லட்சம் கோடி இருக்கும் என கணக்கிடப்படுகிறது! ஆக மொத்தம் புழக்கத்தில் இருந்தது 27 லட்சத்து 50 ஆயிரம் கோடி! அதில் 16 லட்சம் கோடி உள்ளே வந்துவிட்டதாக ரிசர்வ் வங்கி சொல்கிறது! வெளியில் பயன்படுத்தமுடியாமல் இருக்கும் 11 லட்சத்து 50 ஆயிரம் கோடிக்கு சொந்தக்காரர்கள்தான் இப்போது மத்திய அரசின் விரோதிகள்!

     இவ்வளவு பணம் புழக்கத்தில் இருந்தது செல்லா காசாகிவிட்ட காரனத் தாலேயே நாட்டின் வளர்ச்சி விகிதம் சற்று குறைந்தது போல் தோற்ற மளிக்கிறது! GDP வளர்ச்சி விகிதம் 7.2 சதவிகிதமாக எதிர்ப்பார்த்தது 6.7 சதவிகிதம் தான் இருக்கிறது என்கிறார்கள்! உடனே எதிர்கட்சியினர் ஐயோ நாட்டின் பொருளாதாரத்தை மோடி அரசு பந்தாடி விட்டது என்கிறார்கள்! 2014 ல் ஆட்சியை பிடிக்கும்போது இது 4.6 சதவிகிதமாகத்தான் இருந்தது என்பதை சொல்லியாக வேண்டும்! இப்போது .5 சதவிகிதம் குறைந்திருப்பதுபோல் தோற்றமளிப்பதற்கு காரணம் செல்லாகாசாக மாறிவிட்ட கள்ளப்பணமும் கருப்புப்பணமுமே! இப்போது புள்ளிவிவரம் சொல்வதுதான் உண்மையான புள்ளி! அப்போது சொல்லப்பட்டதும் எதிர்பாக்கப்பட்டதும் கள்ளப்பணத்தையும் உள்ளடக்கிய தவறான புள்ளிவிவரம்!

     ஜி.எஸ்.டி என்பது வரி விதிப்பல்ல வரி குறைப்பு! பல நிறுவணங்கள் ஜி.எஸ்.டி நடைமுறைக்கு வந்ததைத் தொடர்ந்து தங்களின் பொருட்களுக்கான விலையை குறைத்தன! ஏற்கெனவே 30 வகையான வரிகள் இருந்தது ஒன்றாக குறைக்கப்பட்டு வியாபாரிகளுக்கும் தொழில் புரிவோருக்கும் உதவியது பாஜக அரசு! இப்போது மீண்டும் ஜி.எஸ்.டி வரி குறைக்கப்பட்டுள்ளது!  காங்கிரஸ் ஆளும் மாநிலங்கள் கம்யூனிஸ்ட் ஆளும் மாநிலம் அனைத்தும் பாஜகவோடு இணைந்து கொண்டுவந்ததுதான் ஜி.எஸ்.டி! அனைத்து மாநில நிதி அமைச்சர்களும் அவ்வப்போது கூடி முடிவெடுத்து வரிகளை குறைக்கலாம் கூட்டலாம்! இது ஒரு ஜனநாயக நடைமுறை! இதனால் நாடு மகிழ்ச்சியடைந்திருக்கிறது! இருப்பினும் இதுநாள் வரை வரியே செலுத்தாமல் வியாபாரம் செய்துவந்த கள்ள வியாபாரிகளுக்கு இது பலத்த அடி! எல்லோரும் வரி செலுத்த வேண்டிய நிர்ப்பந்தம் ஜி.எஸ்,டியால் ஏற்பட்டுள்ளது! இதனால்தான் பலரும் ஜி.எஸ்.டி தொடர்பாக அரசை குறை கூறுகிறார்கள்!

     வீடற்றவர்கள் இந்தியாவில் இருக்கக்கூடாது, வேலையற்றவர்களும் இருக்கக்கூடாது என்னும் நோக்கத்தில் 5 கோடி இலவச வீடுகளும் எண்ணிக்கை வரம்பு இல்லாமல் 2.75 லட்சம் வரை வீடுகட்டுவோருக்கு மானியமும், வீடுகட்டிட அவர்கள் வங்கிகளில் வாங்கும் கடனில் வட்டி சலுகைகளையும் வழங்குகிறது பாஜக அரசு! முத்ரா வங்கி, ஸ்டார்டப் இந்தியா, ஸ்டாண்டப் இந்தியா ஆகிய திட்டங்கள் வாயிலாக 20 கோடிக்கும் அதிகமானோர் வேலைவாய்ப்பு பெற்றுள்ளனர்!

     சுதந்திரத்திற்குப்பிறகு விவசாயத்திற்கு 2 விழுக்காடுகளுக்கும் அதிகமாக பட்ஜெட்டில் பணம் ஒதுக்கியது இல்லை! முதல் முறையாக விவசாயத்திற்கு 8 விழுக்காடுகள் என நான்குமடங்கு பணம் ஒதுக்கி விவசாய லாபத்தை இரண்டு மடங்காக உயர்த்திட அரசு முயன்று வருகிறது!

    எல்லாவையிலும் நாடும் முன்னேறுகிறது நாட்டை ஆளும் பாஜகவும் மக்கள் செல்வாக்கால் முன்னேறுகிறது! நேர்மையான அரசின் நேர்மையான நடவடிக்கையால் பாதிக்கப்பட்ட பொருளாதார குற்றவாளிகளும், கட்சியின் அதிருப்தியாளர்களுமே பாஜகவை கண்மூடித்தனமாக குறை சொல்கிறார்கள்!

     நரியால் துள்ளல்போட்டு திராச்சைப்பழங்களை எட்டமுடியவில்லை, என்னால் முடியவில்லை என்பதை வெளிக்காட்டிக்கொள்ள வெட்கப்பட்டு, சீச்சி இந்தப்பழம் புளிப்பானது என்று சொன்னது! இந்த நரியின் வகையில் அருன்சோரியையும் யஸ்வன்சிங்கையும் சேர்க்கலாம்! வெளியில் சொல்லமுடியாத வகையில், பொருளாதார சீர்திருத்தத்தால் பாதிப்படைந்ததால் குறைகூறுவோர் பட்டியலில், சஜிநறாயணனை சேர்க்கலாம்!

”வினைக்கண் வினையுடையான் கேண்மைவேறு ஆக

நினைப்பானை நீங்கும் திரு.”

இது திருக்குறள் ஆகும்.

 திறம்பட செயலாற்றுபவன் மீது, யாராவது புகார் கூறும்போது, அதை நம்பி, திறம்பட செயலாற்றுபவன் மீது சந்தேகம் கொண்டால், அப்படி சந்தேகப்படுபவன் பெற்றிருக்கும் புகழ், பணம் அனைத்தும் விட்டு விலகிவிடும்! – இதுதான் இந்த குறளின் பொருளாகும்! பிரதமர் நரேந்திரமோடியை யாராவது சந்தேகப்பட்டால், சந்தேகப்படுவோர் பின்னடைவை சந்திப்பர் என்பது திருவள்ளுவம்!                     

  நன்றி  குமரிகிருஷ்ணன்