:''நம் நாட்டில் தோன்றிய பல்வேறு தத்துவங்களின் அடிப்படை கருத்தாக, அமைதி, ஒருமைப் பாடு, நல்லிணக்கம் ஆகியவையே உள்ளன,'' என, பிரதமர், நரேந்திரமோடி கூறியுள்ளார்.

ராஜஸ்தானில், பா.ஜ.,வைச் சேர்ந்த வசுந்தராராஜே முதல்வராக உள்ளார். இம்மாநிலத்தின் ஆஜ்மீர்ஷரீப் தர்காவில், 13ம் நுாற்றாண்டைச் சேர்ந்த, சூபி பிரிவுதுறவி, ஹஸ்ரத் குவாஜா

மொய்னுதீன் சிஷ்டியின் கல்லறை உள்ளது. இவரது, 806வது நினைவு தினத்தையொட்டி, பிரதமர் நரேந்திர மோடி அளித்த, 'சதார்' எனப்படும், புனித சால்வையை, தர்காநிர்வாகிகளிடம், மத்திய சிறுபான்மையினர் விவகாரத்துறை அமைச்சர், முக்தார் அப்பாஸ் நக்வி நேற்று சமர்ப்பித்தார்.
 

இது தொடர்பாக, பிரதமர் கூறியுள்ளதாவது:நம் நாட்டில்தோன்றிய பல்வேறு தத்துவங்களின் அடிப்படைகருத்தாக, அமைதி, ஒருமைப்பாடு, நல்லிணக்கம் ஆகியவை அமைந்துள்ளன. நம்நாட்டில் தோன்றிய தத்துவங்களில், சூபியிசமும் ஒன்று. இந்தியாவில், சூபி துறவிகளை பற்றி பேசுகையில்,

குவாஜா மொய்னுதீன் சிஷ்டி, மகத்தான ஆன்மிக பாரம் பரியத்தின் அடையாளமாக தோன்றுகிறார். குவாஜா மொய்னுதீன் சிஷ்டியை பின்பற்றுவோருக்கு என் வாழ்த்துகள்.இவ்வாறு அவர் கூறியுள்ளார்.