சபரிமலை ஐயப்பன் கோயிலுக்குள் அனைத்துவயது பெண்களையும் அனுமதிப்பது தொடர்பான வழக்கில். இந்த வழக்கை விசாரித்த தலைமை நீதிபதி தீபக்மிஸ்ரா, நீதிபதிகள் ஆர்.எஃப். நாரிமன், ஏ.எம். கான்வில்கர், டி.ஒய். சந்திரா சூட் ஆகிய நால்வரும் ஒரேதீர்ப்பை வழங்கினர். சபரி மலை ஐயப்பன் கோயிலுக்குள் அனைத்துவயது பெண்களும் நுழைய அனுமதி அளிக்கலாம் என்று தீர்ப்பளித்துள்ளனர்.

அதே சமயம், இந்தவழக்கை விசாரித்த அரசியல் சாசன அமர்வில் இடம் பெற்றிருந்த பெண் நீதிபதி இந்து மல்கோத்ரா மாறுபட்ட தீர்ப்பை வழங்கியிருந்தார்.அவர் அளித்த தீர்ப்பில், மதரீதியான வழக்கங்கள் பற்றி நீதிமன்றம் முடிவுசெய்ய முடியாது. வழிபாடு நடத்துபவர்கள்தான் முடிவு செய்ய வேண்டும். 

சபரிமலை ஐயப்பன் கோயிலுக்குள் பெண்களை அனுமதிப்பது, அந்த கோயிலோடு நின்றுவிடாது. தொடர்ச்சியாக வழிபாட்டு தலங்கள் அனைத்தின் மீதும் இதன்தாக்கம் ஏற்படும். மதநம்பிக்கை மீதான விவகாரத்தில் நீதிமன்றம் தலையிட முடியாது, அதில் பாலினபாகுபாடு காட்டப்பட்டாலும் கூட.

மதரீதியான நம்பிக்கைள் மீதான பிரச்னைகளை நீதிமன்றம் அவ்வளவு சாதாரணமாக கையாளக்கூடாது. பாலின சமத்துவத்தை மதரீதியான சம்பிரதாயங்களில் உருவாக்க முயலக் கூடாது.  ஒருவேளை சதி போன்ற மிகவும் மோசமான, தண்டனைக்குரிய மத அல்லது சம்பிரதாய நம்பிக்கைகளில் மட்டுமே நீதிமன்றம் தலையிட்டு நடவடிக்கை எடுக்கலாம். பகுத்தறிவு கருத்துக்களை மதரீதியான பழக்க வழங்களுடன் பொருத்திப் பார்க்கக் கூடாது என்று தெரிவித்திருந்தார்.