ஐந்து மாநிலங்கள் நடைபெற்ற தேர்தலில் பாஜக சற்றுபின்னடைவை சந்தித்திருந்தாலும் 2019 பாராளுமன்றத் தேர்தலில் அந்த 5 மாநிலங்களிலும் பாஜக அதிகளவில் வெற்றி பெறும் என தமிழிசை சௌந்திரராஜன் தெரிவித்துள்லார்.

சேலத்தில் செய்தியாளர்களை சந்தித்த அவர், பெட்ரோல் டீசல் விலையை பொறுத்தவரை பத்து ரூபாய்க்குமேல் மத்திய அரசின் நடவடிக்கையால் குறைந்துள்ளது. கடந்தகால ஆட்சிகளில் இதுபோன்று பெரிய அளவில் விலையை குறைத்தது இல்லை.

மாற்று எரிசக்தியை பயன்படுத்தும் நாடுகளில் இரண்டாவது பெரியநாடாக இந்தியா உருவெடுத்து வருகிறது. பேட்டரிகார் தயாரிப்பு ஐந்து இடங்களில் எத்தனால் தொழிற்சாலை என பல்வேறு திட்டங்கள் செயல்படுத்தப்பட்டு வருகின்றன. இத் திட்டங்கள் செயல்பாட்டுக்கு வரும்போது பெட்ரோல் டீசல்விலை பெருமளவு குறையும்

கஜா புயல் பாதிப்பு குறித்து அறிந்ததும் பிரதமர் மோடி உடனடியாக மத்திய குழுவை அனுப்பியதுடன் மின்பாதிப்புகளை சரிசெய்ய 200 கோடி ரூபாய் ஒதுக்கீடு செய்தார். தற்போது சீரமைப்பு பணிகளுக்காக 6,500 கோடி ஒதுக்கீடு செய்யப்பட்டுள்ளது. 3 லட்சம் லிட்டர் மண்ணெண்ணெய் வழங்கப்பட்டுள்ளது. கஜாபாதிப்பில் அரசியல் செய்யாமல் மக்களுக்கு உதவ வேண்டும் என்பதே மத்தியரசின் நிலைப்பாடு.

மேகதாது பிரச்சினையில் ஸ்டாலின், திருநாவுக்கரசு ஆகியோர் அரசியல்செய்யாமல் கர்நாடக முதலமைச்சர் குமார சாமியை சந்தித்து மேகதாது திட்டத்தால், தமிழகம் பாதிக்கப்படும் என கூறவேண்டும்

சோனியா காந்தி, ராகுல்காந்தியை சந்தித்தபோது மேகதாது பிரச்சினை குறித்து பேசியதாக ஸ்டாலின் தெரிவித்திருந்தார். அதற்கு அவர்கள் என்னபதில் சொன்னார்கள் என்பது குறித்து மக்கள் மத்தியில் தெளிவுபடுத்த வேண்டும் என்று தமிழக பாஜக தலைவர் தமிழிசை செளந்தர்ராஜன் சேலம் விமான நிலையத்தில் செய்தியாளர்களிடம் தெரிவித்தார்.