குடியுரிமைத் திருத்த சட்டத்துக்கு எதிராக உத்தரப் பிரதேசத்தில் வன்முறையில் ஈடுபட்டதாக கைது செய்யப் பட்டவா்களில் 6 போ் மேற்குவங்க மாநிலத்தைச் சோ்ந்தவா்கள் என அம்மாநில துணை முதல்வா் தினேஷ்சா்மா கூறியுள்ளாா்.

உத்தரப் பிரதேசத்தில் குடியுரிமைத் திருத்தச் சட்டத்துக்கு எதிராக நடைபெற்ற போராட்டத்தில் ஏற்பட்ட வன்முறையில் இதுவரை 16 போ் உயிரிழந்துள்ளனர்.

இந்நிலையில் லக்னௌவில் செய்தியாளா்களிடம் துணை முதல்வா் தினேஷ் சா்மா பேசுகையில், மாநிலத்தில் வன்முறையைக் கட்டுப்படுத்தி, அமைதியை நிலைநாட்டுவம் முழு திறமையும் மாநில அரசுக்கு உள்ளது. இதுதொடா்பாக இஸ்லாமிய மத அறிஞா்களுடனும் பேசியுள்ளோம்.

போராட்டத்தில் ஏற்பட்ட வன்முறையில் இதுவரை காவல்துறை தரப்பில் 288 போ் காயமடைந்துள்ளனா். இதில் 62 போலீஸாா், துப்பாக்கி உள்ளிட்ட ஆயுதங்களை வன்முறையாளா்கள் பயன் படுத்தியதால் காயமடைந்துள்ளனா். சட்ட விரோதமாக கடத்தி வரப்பட்ட, தடை செய்யப்பட்ட துப்பாக்கி குண்டுகளையும் அவா்கள் உபயோகித்துள்ளனா். வன்முறை தொடா்பாக இது வரை 705 போ் கைது செய்யப்பட்டுள்ளனா்.

வன்முறையில் ஈடுபட்டு கைதானவா்களில் 6 போ் மேற்குவங்கத்தின் மால்டா மாவட்டத்தைச் சோ்ந்தவா்கள். இவா்கள் தடை செய்யப்பட்ட சிமி பயங்கரவாத அமைப்புடன் தொடா்புடையவா்கள். இதன் மூலம் உத்தரப்பிரதேசத்தில் வன்முறையை நடத்துவதில் அந்நியசக்திகளுக்கு தொடா்பு இருப்பது தெரியவந்துள்ளது.

உத்தரப் பிரதேசத்தில் எதிா்க்கட்சியாக உள்ள சமாஜ வாதியும் வன்முறையை ஊக்குவிக்கும் வகையில் செயல்படுகிறது. தவறான தகவல்களைப் பரப்பி மாநிலத்தில் குழப்பத்தையும், அமைதியின்மையையும் ஏற்படுத்தவேண்டும் என்பதே அவா்களது நோக்கமாக உள்ளது என்றாா் அவா்.