பின்னர் ரஜினியின் செய்தியாளர் சந்திப்பு தொடர்பாகக் கேட்டதற்கு இல.கணேசன் கூறியதாவது:

“பாஜகவில் அமைப்புக்கு என்று ஒருபிரிவு, அரசியலுக்கு என்று ஒருபிரிவு உள்ளது. நான் அமைப்பிலிருந்து வந்தேன். பின்னாளில் கட்சியைச் சேர்ந்தவர்கள் என்னைத் தேர்தலில் நிற்கப்பணித்தார்கள். தீனதயாள் உபாத்தியாயா எங்களது அகிலபாரத தலைவராக இருந்து அமைப்பை பலப் படுத்துவதில் கவனம் செலுத்தினார். ஆட்சிக்கு வருவதற்கு வாஜ்பாய் போன்றவர்கள் கவனம் செலுத்தினார்கள்.

இந்தத் திட்டத்தின் படிதான் பாஜக செயல்பட்டுவருகிறது. இதுபோன்ற ஒருதிட்டம் ரஜினி மனதில் இருக்கலாம். அதனை அவர் வெளிப்படுத்தியுள்ளார். எதுவாக இருந்தாலும் அவர் கட்சிதொடங்கிய பிறகுதான், அது எப்படி செயல் படுகிறது என்பதை பார்க்கமுடியும். முதலில் கட்சிதொடங்கட்டும். அதன்பிறகே இவை எல்லாம் மக்களுக்குப் புரியவரும்”.

தமிழக பாஜக தலைவராக முருகன் நியமிக்கபட்டதற்கு மூத்த தலைவர்கள் அதிருப்தியில் இருக்கிறார்களா என கேட்டதற்கு, “தமிழக பாஜக தலைவர்கள் குறித்து பத்திரிகையில் வந்த பெயர்ப்பட்டியலை பலர் கற்பனையாக எழுதி இருந்தார்கள். அதற்கு நாங்கள் எப்படி பொறுப்பாக முடியும். அவர் நியமிக்கபட்டதில் கட்சியினர் திருப்தியாக உள்ளனர். எனக்கு எந்தவருத்தமும் இல்லை. ஏனென்றால், நான் இந்த ரேஸில் இல்லை.

பாஜகவில் இருப்பவர்கள் சன்னியாசிகள் அல்ல. ஒருவர் ஒருபதவிக்கு வர வேண்டும் என்ற ஆசை இருக்குமானால், அந்த ஆசை பாஜகவில் இருப்பவர்களுக்கும் உண்டு. ஆனால், மற்றகட்சிக்கும் பாஜகவுக்கும் இருக்கும் வேறுபாடு என்னவென்றால், ஒருவர் பதவிக்கு முயற்சிசெய்யலாம். ஆனால், முடிவு என்று தலைவர் அறிவித்து விட்டால், யார் பதவிக்கு விரும்பினாரோ அவர்தான் முதலில் சென்று தலைவராக அறிவித்த நபருக்கு மாலைபோடுவார். இதுதான் பாஜகவின் விசேஷத் தன்மை” என்று இல.கணேசன் தெரிவித்தார்.