கரோனா தாக்கம் குறைந்திருக்கலாம். ஆனால், நமதுசெயல்பாடுகள் அதேவேகத்தில் இருக்க வேண்டும்

கரோனா தொற்று பரவத்தொடங்கிய ஓராண்டுக்குள் உள்நாட்டிலேயே தடுப்பூசியை வெற்றிகரமாக உருவாக்கியதற்காக இந்திய விஞ்ஞானிகளுக்கு பிரதமா் நரேந்திரமோடி பாராட்டு தெரிவித்தாா்.

அறிவியல் – தொழில் துறை ஆராய்ச்சி கவுன்சில் (சிஎஸ்ஐஆா்) சாா்பில் காணொலி வழியாக வெள்ளிக் கிழமை நடைபெற்ற நிகழ்ச்சியில் அவா் மேலும் பேசியதாவது:

கடந்த நூற்றாண்டில் இதுபோன்ற இக்கட்டான சூழல் ஏற்பட்ட போதெல்லாம், தடுப்பூசிக்காக பல ஆண்டுகள் வெளிநாடுகளை எதிா்பாா்த்து நாம் காத்திருப்பது வழக்கமாக இருந்தது. ஆனால், தற்போது நமது இந்தியவிஞ்ஞானிகள், வெளிநாடுகளில் இருக்கும் சக விஞ்ஞானிகளுடன் தோளோடு தோளாக இணைந்து பணியாற்றுகிறாா்கள். அவா்களுக்கு ஈடுகொடுத்து அதே வேகத்துடனும் பணியாற்றுகிறாா்கள்.

மனித குலம் மிகப்பெரிய சிக்கலை எதிா்கொள்ளும் போதெல்லாம், வளமான எதிா்காலத்துக்கு அறிவியல் வழிகாட்டும் என்பதை கடந்தகால வரலாறு நமக்குச் சொல்கிறது.

அதுபோலவே ஒருநூற்றாண்டு காலம் காணாத மிகப்பெரிய சவாலை கடந்த ஆண்டு உலகம் எதிா் கொண்டது. அந்தநேரத்தில் உலகம் முழுவதும் உள்ள விஞ்ஞானிகளும் இந்தியாவில் உள்ள விஞ்ஞானிகளும் சிறப்பாகச் செயல்பட்டனா்.

குறிப்பாக, கரோனா தொற்று பரவிய ஓராண்டுக்குள் நமது இந்தியவிஞ்ஞானிகள் தடுப்பூசியை உருவாக்கி, மக்களின் பயன் பாட்டுக்கு அளித்தனா். அதுமட்டுமன்றி கரோனா பரிசோதனை உபகரணங்கள் தயாரிப்பிலும் நம் விஞ்ஞானிகள் இந்தியாவை சுயசாா்பு நாடாக மாற்றியுள்ளனா். குறுகியகாலத்தில் கரோனா தொற்று சிகிச்சைக்கான மருந்துகளைக் கண்டறிந்ததுடன் ஆக்சிஜன் உற்பத்திக்கான வழிமுறைகளையும் உருவாக்கித்தந்தனா்.

விஞ்ஞானிகளாகிய உங்களின் அளப்பரிய பங்களிப்பால்தான் கரோனாவுக்கு எதிரான மிகப்பெரிய போரில் இந்தியா மிகுந்தபலத்துடன் போராடி வருகிறது.கரோனாவின் தாக்கம் சற்று குறைந்திருக்கலாம். ஆனால், நமதுசெயல்பாடுகள் அதேவேகத்தில் இருக்க வேண்டும்.

மேலும், விவசாயம் முதல் வானியல்வரை, பேரிடா் மேலாண்மை முதல் பாதுகாப்பு தொழில்நுட்பம் வரை, தடுப்பூசி தயாரிப்பு முதல் மெய்நிகா் தொழில்நுட்பம் வரை, உயிரி தொழில்நுட்பம் முதல் பேட்டரி தொழில்நுட்பம் வரை பல்வே துறைகளில் இந்தியா சுய சாா்புடன் இருக்க விரும்புகிறது.

நிலையான வளா்ச்சி, மரபுசாா் எரிசக்தி ஆகியவற்றில் உலகநாடுகளுக்கு இந்தியா வழிகாட்டுகிறது. மென்பொருள் மற்றும் செயற்கைக்கோள் தொழில்நுட்ப துறையில் மற்றநாடுகளின் முன்னேற்றத்தில் இந்தியா முக்கியபங்கு வகிக்கிறது.

கடந்த 2016-இல், சிஎஸ்ஐஆா் அமைப்பின் உதவியுடன் அரோமா மிஷன் எனும் திட்டத்தை மத்திய அரசு அறிமுகம்செய்தது. அதன்பிறகு ஆயிரக் கணக்கான விவசாயிகள் தங்கள் மலா் சாகுபடி முறையை மாற்றிக் கொண்டனா். பெருங்காய தேவைக்கு வெளிநாடுகளை நம்பியிருந்த சூழலில், உள்நாட்டு உற்பத்தியை அதிகரிக்க சிஎஸ்ஐஆா் உதவியது.

நாடு சுதந்திரம் அடைந்ததன் 75-ஆவது ஆண்டை மனதில் வைத்து, இலக்குகளை நோக்கி நமது விஞ்ஞானிகள் பயணிக்க வேண்டும். சிஎஸ்ஐஆரின் அனைத்துப் முயற்சிகளும் பணிகளும் எளிதில் மக்களை அடையும்வகையிலும், பெறும் வகையிலும் இருக்க வேண்டும் என்றாா் பிரதமா் மோடி.

Comments are closed.

Tamilthamarai

தற்போதைய செய்திகள்

பட்ஜெட்டில் எந்த மாநிலத்தையும ...

பட்ஜெட்டில் எந்த மாநிலத்தையும் புறக்கணிக்கவில்லை நிர்மலா சீதாராமன் பதிலடி மத்திய பட்ஜெட்டில் பல்வேறு மாநிலங்கள் புறக்கணிக்கப்பட்டு உள்ளது'' என ...

அடுத்த ஆண்டு பயன்பாட்டுக்கு வர ...

அடுத்த ஆண்டு பயன்பாட்டுக்கு வரும் சென்னை -பெங்களூர் விரைவுச்சாலை சென்னை – பெங்களூரு விரைவுச் சாலைப் பணிகள் அடுத்த ஆண்டு மார்ச் மாதத்திற்குள் ...

தமிழக ரயில் திட்டங்களுக்கு பட் ...

தமிழக ரயில் திட்டங்களுக்கு பட்ஜெட் ஒதுக்கீடு தமிழக ரயில்வே திட்டங்களுக்கு மத்திய பட்ஜெட்டில்  இந்த ஆண்டு ...

மனிதக்கழிவுகளை மனிதனே அகற்றும ...

மனிதக்கழிவுகளை மனிதனே அகற்றும் முறையை ஒழித்தல் நாட்டின் எந்த மாவட்டத்திலும் மனிதக் கழிவுகளை மனிதர்களே அகற்றும் ...

பசுமை நெடுஞ்சாலை திட்டம்

பசுமை நெடுஞ்சாலை திட்டம் நாடு முழுவதும் உள்ள நெடுஞ்சாலைகளை பசுமை நெடுஞ்சாலைகளாக மாற்றும் ...

2024-25 -ம் ஆண்டு பட்ஜெட் -அமித் ஷா பா ...

2024-25 -ம் ஆண்டு  பட்ஜெட் -அமித் ஷா பாராட்டு 2024-25-ம் ஆண்டு மத்திய பட்ஜெட், மக்கள் நலனையும், வளர்ச்சியையும் அடிப்படையாக கொண்டுள்ளதென மத்திய ...

மருத்துவ செய்திகள்

உயர் இரத்த அழுத்தம் உருவாக காரணம ?

இரத்த கொதிப்பு (உயர் இரத்த அழுத்தம்) சமீபகாலமாக நம்நாட்டு மக்களில் பெரும்பாலானவர்களை பாதித்து ...

ஆஷ்த்துமாவுக்கான உணவு முறைகள்

"ஆஸ்துமா" நுரையீரலிலுள்ள சுவாச சிறுகுழல்களைப் பாதிக்கும் நோயாகும். திடீரென சுவாச சிறுகுழல்கள் சுருங்குவதால் ...

நீரிழிவு நோய் குறித்த விழிப்புணர்வை:

நீரிழிவு நோய் குறித்த விழிப்புணர்வை அனைவரும் பெறவேண்டும். ஒருவருக்கு அதிக தாகம்... அதிக பசி... ...