தற்போதைய அமிர்த காலத்தில் அரசியலமைப்புச் சட்டத்தின் 75ம் ஆண்டு விழாவை கொண்டாடும் நாம் எல்லாம் அதிர்ஷ்டசாலிகள்.

ஏதோ ஆங்கிலேயேர்களிடமிருந்து கடன் வாங்கி நம் அரசியலமைப்புச் சட்டத்தை உருவாக்கியதுபோல சிலர் பேசுவது தவறு. நம் சுதந்திர போராட்டம் மற்றும் நமது கலாசார அம்சங்களையும் உள்ளடக்கி தயாரிக்கப்பட்டதுதான் இந்த புத்தகம்.

அரசியல் நிர்ணய சபையில் மதன் மோகன் மாளவியா, சர்தார் படேல், பகத்சிங், வீர் சாவர்க்கர் ஆகியோர் தங்களது பங்களிப்பை செய்துள்ளனர்.

டாக்டர் ஷியாமா பிரசாத் முகர்ஜி உள்ளிட்ட பலரது பங்களிப்பும் இந்த அரசியலமைப்பு சட்டத்தில் உள்ளது. வலிமையான மத்திய அரசும், ஜனநாயக ரீதியிலான அரசியல் அமைப்பு சட்டமும் அமைய வேண்டும் என்றும் ஷியாமா பிரசாத் முகர்ஜி விரும்பினார். ஆனால், அரசியலமைப்பு சட்டத்தை, ஒரு கட்சி, தனக்கு சொந்தமாக்கிக் கொள்ளப் பார்த்தது.

இந்த புத்தகம் ஒன்றும், ஏதோ ஒரு கட்சி, நமக்கு தந்த பரிசு அல்ல. இது இந்திய மக்கள் அனைவருக்கும் சொந்தமானது. இதன் வாயிலாகத்தான், ஒரு ஏழைக்குடும்பத்தில் இருந்து வந்தவர் பிரதமராகவும், ஜனாதிபதியாகவும் ஆக முடிந்தது.

அரசியலமைப்புச் சட்டத்தின் ஒரிஜினல் புத்தகத்தில் அடிப்படை உரிமைகள் பற்றி விவரிக்கும் பக்கங்களில் ராமர், சீதை, லட்சுமணன் ஆகியோர் இடம்பெற்றுள்ளனர். அரசியலமைப்பு சட்டப் புத்தகத்தை தங்களுடைய பாக்கெட்டில் வைத்துக்கொண்டு சிலர் திரிகின்றனர். சிறிய வயதிலிருந்தே அவர்களுக்கு இந்த பழக்கம்.