குத்தகைக்கு எடுத்த சுரங்கங்களிலிருந்து நிலக்கரியை வெட்டியெடுக்காமல் , வெளிநாடுகளில் இருந்து இறக்குமதி செய்ததினால் அரசுக்கு ரூ.18 லட்சத்து 100 கோடி வருவாய்யிழப்பு ஏற்பட்டிருப்பதாக அகில இந்திய கணக்கு தணிக்கை ஊழியர் சங்கதலைவர் துரை பாண்டியன் தெரிவித்துள்ளார் .

இது குறித்து மேலும் அவர் தெரிவித்ததாவது; நிலக்கரி ஊழல் குறித்து பல அடுக்குகளாக தணிக்கைசெய்து பல நிலை அதிகாரிகளின் விளக்கங்களுடன்சேர்த்து அறிக்கை தயார்செய்யப்பட்டு வெளியிடப்பட்டுள்ளது. இந்நிலையில் சிஏஜியை ஆளும் கட்சி நாடாளுமன்ற உறுப்பினர்களும், அமைச்சர்களும், பிரதமரும் குறைகூறுவது ஜனநாயகத்துக்கும், இந்திய அரசியல்_ அமைப்புக்கும் புறம்பானது.

குத்தகைக்கு எடுத்த 28 சுரங்கங்களில் மட்டும் 34.64டன் நிலக்கரி எடுக்கபட்டுள்ளன. 68 சுரங்கங்களில் நிலக்கரி எடுக்கப் படவில்லை. காலம்தாழ்த்தினால் விலையேற்றம் வரும், அப்போது எடுத்துக்கொள்ளலாம் என்று குத்தகை தாரர்கள் நிறுத்திவைத்துள்ளனர். மீதமுள்ள 116 சுரங்கங்களில் இருக்கும் 49 ஆயிரத்து 790 மில்லியன்டன் நிலக்கரியை எடுப்பதற்கு அனுமதி இல்லை.

சாதாரணமாக இந்திய நிலக்கரி நிறுவனம் ஒரு டன் நிலக்கரியை ரூ.295.41 விற்கும். ஏல விலையில் அதிக பட்சமாக ரூ.1782.க்கு விற்கும் இந்தவிலைக்கு இந்தியாவில் நிலக்கரியை எடுக்காமல் வெளி நாடுகளில் இருந்து ஒருடன் ரூ.2874க்கு இறக்குமதி செய்யப்படுகிறது. இந்த அடிப்படையில் உண்மையான விலைக்கும், ஏல விலைக்கும் கணக்கிட்டுப் பார்த்தால் அரசுக்கு வர வேண்டிய வருவாய் இழப்பு ரூ.18 லட்சத்து 100 கோடி என்று அதிர்ச்சி குண்டை தூக்கி போட்டார் எம்.துரைபாண்டியன்.