ராகுல் காந்திக்கு தோல்வி பயம் வந்து விட்டது. தோல்வி எனும் பழி சொல்லுக்கு ஆளாகமல் இருக்க பீதியில் குஜராத் தேர்தல்பிரசாரத்தை தவிர்த்து வருகிறார் என்று முதல்வர் நரேந்திர மோடி பேசியுள்ளார்.

இது குறித்து அவர் மேலும் பேசியதாவது ; காங்கிரஸ்சின் பிரதமர்

வேட்பாளர் என்று சொல்லப்படும் ராகுல் காந்தி , குஜராத் தேர்தல் பிரசாரத்திற்கு இன்னும் வராமல் இருப்பது ஏன்? ராகுலுக்கு தோல்விபயம் வந்து விட்டது.கடந்த சிலமாதங்களுக்கு முன்பு நடந்த உ.பி சட்ட மன்ற தேர்தல் பிரசாரத்துக்காக , தேர்தல் தேதி அறிவிக்க படுவதற்கு சில மாதங்களுக்கு முன்பே அந்த மாநிலத்தில் முகாமிட்டு பிரசாரம்செய்தார் ராகுல்.

ஆனால் தேர்தல்முடிவுகள் என்ன ஆனது ? காங்கிரஸ் கட்சியை உ.பி. வாக்காளர்கள் மொத்தமாக வீட்டுக்கு அனுப்பிவிட்டனர். ராகுலை உ.பி. வாக்காளர் மண்ணைகவ்வ வைத்துவிட்டனர்.அதேநிலைதான் குஜராத் மாநிலத்தில் காங்கிரஸ் கட்சிக்கு ஏற்பட போகிறது. இதை தெரிந்துதான் , எங்கே தோல்வி ஏற்பட்டு விடுமோ என பழியை சுமக்கநேரிடும் என்று பயந்துதான் பிரசாரத்துக்கு வர‌வில்லை. காங்கிரஸ் கட்சியிலேயே சில தலைவர்கள் அதிருப்தி அடைந்து கட்சியைவிட்டு வெளியேறி வருகின்றனர். இவ்வாறு நரேந்திரமோடி பேசினார்.