பருத்தி ஏற்றுமதிக்கு விதிக்க பட்ட தடையால்தான் குஜராத் விவசாயிகள் பாதிக்கப்பட்டனர் என்று சோனியா காந்திக்கு முதல்வர் நரேந்திர மோடி பதிலடி கொடுத்துள்ளார்.

குஜராத் மாநிலம் மாண்ட்வியில் காங்.வேட்பாளர்களை

ஆதரித்துபிரசாரம் செய்தார். சோனியா காந்தி குஜராத்தில் , மோடி அரசு விவசாயிகளுக்கு ஒன்றும் செய்யவில்லை, மத்திய அரசு கோடி கோடியாக நிதி வழங்கியும் அந்த நிதி எங்கேசென்றது என தெரியவில்லை. விவசாயிகளின் கடன்களை மத்திய அரசு தள்ளுபடிசெய்து சலுகை வழங்கியது.ஆனால் மோடி அரசு இதை மறைக்கிறார் என்று குறைகூரியிருந்தர்.

இதற்கு பதிலடியாக முதல்வர் நரேந்திரமோடி கூறியதாவது: எங்கள் மாநில_விவசாயிகள் கடும் உழைப்பாளிகள், கடந்த 2001-ம் ஆண்டு குஜராத்தில் பருத்தி_விவசாயிகளின் கடும் உழைப்பினால் 23 லட்சம் பேல்கள் ஏற்றுமதி செய்யப் பட்டன. கடந்த பத்து ஆண்டுகளி்ல் இதுவ‌ரை 1.23 லட்சம்கோடி பருத்தி பேல்களை உற்பத்திசெய்து ஏற்றுமதி செய்துள்ளோம்.

ஆனால் காங்கிரஸ் அரசு பருத்தி ஏற்றுமதிக்கு தடைவிதித்தது. இதனால் குஜராத்துக்கு ரூ. 7 ஆயிரம் கோடி நஷ்டம் உருவானது .வெறும் ஓட்டுவங்கிக்காக பொய்யான தகவலை தர வேண்டாம். குஜராத்தில் சாலைகள் படு மோசமாக இருப்பதாக கூறுகிறீர்கள், ஆனால் நாட்டில் இருக்கும் பிற சாலைகளை ஒப்பிடும்போது, குஜராத்தி்ல் சாலைகள் உலகத் தரம் வாய்ந்தது. இதனை உலகமேசொல்லும். தேர்தல்நேரம் என்பதால் மக்களை ஏமாற்ற ‌எனது அரசு குறித்து அவதூறாக பேசவேண்டாம் என்றார்.