சத்தீஷ்கார் மாநிலத்தில் நடந்த சுதந்திர தின விழாவில் முதல்–மந்திரி ராமன் சிங் தேசிய கொடி ஏற்றிவைத்து உரையாற்றினார். அப்போது அவர் அரசுஊழியர்கள் மற்றும் விவசாயிகள் உள்ளிட்டோருக்கு பல சலுகைகளை அறிவித்தார்.

அதில் முக்கியமானவை வருமாறு:–

* சத்தீஷ்கார் மாநில அரசு ஊழியர்களின் ஓய்வுபெறும் வயது 60–ல் இருந்து 62 ஆக உயர்த்தப்படும். இந்ததிட்டம் அரசு ஊழியர்கள் மற்றும் உள்ளாட்சி அமைப்புகள், மாநிலஅரசின் நிறுவனங்கள் உள்ளிட்டவற்றில் பணியாற்றும் அனைத்து ஊழியர்களுக்கும் பொருந்தும். இந்ததிட்டம் இந்தமாதம் (ஆகஸ்டு) முதல் அமலுக்கு வரும்.

* மாநிலத்தில் விவசாயிகளிடமிருந்து அரசு கொள்முதல்செய்யும் நெல்குவிண்டால் ஒன்றுக்கு ரூ.270 வீதம் ஆண்டுதோறும் போனஸ்தொகை வழங்கப்படும். இவ்வாறு முதல்–மந்திரி ராமன் சிங் கூறினார்.