குஜராத் முதல்வரும் பாஜக பிரதமர் வேட்பாளருமான நரேந்திரமோடியை மனிதவெடிகுண்டு மூலம் கொல்ல சதித்திட்டம் தீட்டியதாக ஆந்திரமாநிலம் புத்தூரில் சிக்கிய பிலால்மாலிக் தெரிவித்துள்ளான்.

ஆந்திரமாநிலம் புத்தூரில் சுற்றிவளைக்கப்பட்டு கைதுசெய்யப்பட்ட பன்னா இஸ்மாயில், பிலால்மாலிக் ஆகிய இருவரிடம் விசாரணை நடத்தப்பட்டது. அப்போது பிலால்மாலிக்கின் உறவினர் ஜபார் என்பவர் அருகில் உள்ள மற்றொருதெருவில் வசிப்பது தெரியவந்தது. அவரைப்பிடிக்க போலீஸார் சென்றபோது அவர் ஏற்கெனவே தப்பியோடிவிட்டார். இதையடுத்து காவல்துறையினர் அந்த வீட்டை சோதனையிட்டனர்.

அப்போது அந்தவீட்டிலிருந்து நவீன ரக துப்பாக்கி ஒன்றும் லேப்டாப்பேக் வடிவில் இருந்த ஒரு நவீனரக வெடிகுண்டு கைப்பற்றப்பட்டது . இதுகுறித்து பிலால் மாலிக்கிடம் போலீசார் விசாரணை நடத்தினர்.

அப்போது பேக் வடிவிலான வெடிகுண்டு மனிதவெடிகுண்டாக பயன்படுத்த கூடியது என்றும் மேலும் ரிமோட் அல்லது செல்போன்மூலம் சில கிமீ. தொலைவில் இருந்து இயக்கக்கூடியது என்றும் தெரிவித்துள்ளான்.

இதைக்கேட்டு அதிர்ச்சியடைந்த சிறப்பு புலனாய்வு பிரிவு அதிகாரிகள், இந்தகுண்டை எங்கு வைக்க திட்டமிட்டிருந்தனர் என்றகோணத்தில் விசாரித்தனர்.

அப்போது மாலிக் சென்னைவரும் பாஜக வின் பிரதமர் வேட்பாளரும், குஜராத் மாநில முதல்வருமான நரேந்திரமோடியை கொலைசெய்ய திட்டமிட்டு அதைத் தயாரித்ததாக தெரிவித்துள்ளான் .தற்போது அந்த வெடிகுண்டின் தொழில் நுட்பம் குறித்து வெடிகுண்டு நிபுணர்கள் ஆய்வுசெய்து வருகின்றனர்.