பிரதமர் நரேந்திர மோடி ஒரு சிறந்த செயல்வீரர் என அமெரிக்க அதிபர் ஒபாமா புகழாரம் சூட்டியுள்ளார்.

இந்தியா-ஆசியான் மற்றும் கிழக்கு ஆசிய உச்சிமாநாட்டுக்கு வந்திருந்த பல்வேறு உலகநாடுகளின் தலைவர்களை சந்தித்து பேசிய மோதி . அமெரிக்க அதிபர் பராக் ஒபாமாவை சந்தித்து இருதரப்பு உறவுகள் குறித்து பேச்சுவார்த்தை நடத்தினார்.

இதற் கிடையில், உலகவர்த்தக அமைப்பில் ஏற்பட்டுள்ள மந்த நிலை மற்றும் உணவுபாதுகாப்பு குறித்து நேற்று பிரதமர் மோடி உரையாற்றிய போது சில யோசனைகளை தெரிவித்தார். இந்த யோசனைகளை அமெரிக்கா வரவேற்றுள்ளது.

'பிரதமர் மோதியுடனான விரிவான ஆலோசனைக்கு பிறகு இந்த விவகாரத்திற்கு புதியபாதையை கண்டுபிடித்த அவரது தலைமை பண்பை ஒபாமா மிகவும் ஆதரித்துள்ளார்' என்று அமெரிக்க வெள்ளை மாளிகையின் செய்தித் துறை செயலாளர் ஜோஷ் எர்னெஸ்ட் தெரிவித்துள்ளார்.

இதற்கிடையே, நேற்றைய சந்திப்புக்குபின்னர் மோதிக்கு புகழாரம் சூட்டிய ஒபாமா, அவர் ஒரு 'செயல் வீரர்' (மேன் ஆப் ஆக்‌ஷன்) என்று குறிப்பிட்டார்.