தமிழகத்தில் பாஜக மாபெரும் சக்தியாக மாறியுள்ளது, பல்வேறு கட்சியினர் பாஜவில் இணைந்து வருவது கட்சிக்கு மேலும் உற்சாகத்தையும், வலுவையும் ஏற்படுத்தியுள்ளது. என்று மத்திய அமைச்சர் பொன்.ராதாகிருஷ்ணன் கூறியுள்ளார்.

14 கிராமங்களை சேர்ந்த ஆதி ஆந்திரா மக்கள் பாஜவில் இணையும் நிகழ்ச்சி தி.நகரில் உள்ள பாஜ தலைமை அலுவலகத்தில் நடந்தது. ஆதி ஆந்திரா மக்கள் இயக்க தலைவர் நாகேஷ் தலைமையில் அவர்கள் வந்திருந்தனர். வடசென்னை மாவட்ட பாஜ தலைவர் பிரகாஷ் நிகழ்ச்சிக்கு தலைமை தாங்கினார். கட்சியில் இணைந்தவர்களுக்கு மத்திய அமைச்சர் பொன்.ராதாகிருஷ்ணன், பாஜ தலைவர் தமிழிசை சவுந்தரராஜன் ஆகியோர் வாழ்த்து தெரிவித்து கட்சியின் உறுப்பினர் அட்டைகளை வழங்கினர்.

அதன் பின்னர் பொன்.ராதாகிருஷ்ணன் கூறுகையில், 'தமிழகத்தில் பாஜ மாபெரும் சக்தியாக உருவெடுத்து வருகிறது. பல்வேறு கட்சியினர் பாஜவில் இணைந்து வருவது கட்சிக்கு மேலும் உற்சாகத்தையும், வலுவையும் ஏற்படுத்தியுள்ளது. 2016ம் ஆண்டு நடைபெற உள்ள சட்டப்பேரவை தேர்தலில் பாஜ வெற்றி பெற்று தமிழகத்தில் ஆட்சி அமைக்கும். மோடி தலைமையில் நல்லாட்சி அமையும்' என்றார்.இந்நிகழ்ச்சியில், பாஜ அமைப்பு பொது செயலாளர் மோகன்ராஜுலு, பாஜ துணை தலைவர் சக்ரவர்த்தி உள்ளிட்ட நிர்வாகிகள் கலந்துகொண்டனர். –