நாடாளுமன்ற பட்ஜெட் கூட்டத் தொடர் சுமுகமாக நடைபெற எதிர்க்கட்சிகள் ஒத்துழைப்பு தர வேண்டும் என பிரதமர் நரேந்திர மோடி வேண்டுகோள் விடுத்துள்ளார்.

நாடாளுமன்ற பட்ஜெட் கூட்டத்தொடர் நேற்று கூடியது , இந்நிலையில், நாடாளுமன்றத்தில் அனைத்துக் கட்சித் தலைவர்கள் கூட்டம் நேற்று நடை பெற்றது. இதில் கலந்து கொண்ட பிரதமர் நரேந்திர மோடி பேசியதாவது:

பட்ஜெட் கூட்டத்தொடர் மிகவும் முக்கியமானது. பொதுமக்கள் ஏராளமான எதிர்பார்ப்புகளுடனும் ஆவலுடனும் இந்த கூட்டத்தொடரை எதிர்பார்த்து காத்திருக்கிறார்கள். எனவே, இந்த கூட்டத்தொடர் சுமுகமாக நடைபெறுவதை நாம் உறுதிசெய்ய வேண்டும்.

நாடாளுமன்றத்தின் இரு அவைகளின் பொன்னான நேரமும் வீணகக்கூடாது. மக்கள் நலனைக் கருத்தில் கொண்டு இந்த நேரத்தை முழுமையாக பயன் படுத்திக் கொள்ள வேண்டும். நாடாளுமன்றம் சுமுகமாக நடைபெற அனைத்து கட்சிகளின் தலைவர்களும் ஒத்துழைப்பு தரவேண்டியது அவசியம். இது அவர்களின் பொறுப்பும் ஆகும். அப்போதுதான் மக்களின் நம்பிக்கைகள், விருப்பங்களை நம்மால் நிறைவேற்ற இயலும்.

சில விஷயங்களில் மத்திய அரசுக்கும் எதிர்க்கட்சியினருக்கும் கருத்து வேறுபாடு இருப்பதை அறிவேன். எனவே, எதிர்க்கட்சி தலைவர்கள் முன்வைக்கும் பிரச்சினைகள் குறித்து அவையில் விவாதிக்க உரிய முக்கியத்துவமும், முன்னுரிமையும் வழங்கப்படும். என்று மோடி தெரிவித்தார்.