ஜிஎஸ்டி அமலுக்கு வந்த பிறகு, மறைமுக வரிசெலுத்துவோர் அதிகரித்துள்ளதாக பொருளாதார ஆய்வறிக்கையில் சுட்டிக்காட்டப் பட்டுள்ளது.பட்ஜெட் கூட்டத்தொடரில் ஜனாதிபதி உரைக்கு பிறகு, மத்திய நிதியமைச்சர் அருண்ஜெட்லி, 2017-18க்கான பொருளாதார ஆய்வறிக்கையை மக்களவையில் நேற்று தாக்கல் செய்தார். அதில் உள்ள முக்கியஅம்சங்கள் வருமாறு:

 இந்தியா மிகவேகமாக வளரும் பொருளாதார நாடாக இருக்கும். 2018-19 நிதியாண்டில் மொத்த உள்நாட்டு உற்பத்தி 7 சதவீதம் முதல் 7.5 சதவீதமாக இருக்கும்.

 மொத்த உள்நாட்டு உற்பத்தி 2017-18 நிதியாண்டில் 6.75 சதவீதமாக இருக்கும்.

 கச்சா எண்ணெய் விலை தொடர்ந்து அதிகரித்தால் அல்லது கையிருப்பு விலை சரியில்லாவிட்டால் அவற்றை கட்டுப்படுத்த கண்காணிப்பு அவசியம்

 வேளாண்மைக்கு ஆதரவு அளிப்பது, ஏர் இந்தியாவை தனியார்மயம் ஆக்குவது, வங்கிகளுக்கு மறு மூலதன நிதியை வழங்குதல் ஆகியவை  அடுத்த நிதியாண்டில் வகுக்க வேண்டிய முக்கிய கொள்கைகளாக இருக்கும.்

மறைமுகவரி செலுத்துவோர் எண்ணிக்கை 50 சதவீதம் அதிகரித்தள்ளதை ஜிஎஸ்டி புள்ளி விவரங்கள் காட்டுகின்றன.

 மாநிலங்கள், உள்ளாட்சி அமைப்புகளின் வரிவசூல் இதர நாடுகளைவிட கணிசமான அளவு குறைந்துள்ளது.

 பண மதிப்பு நீக்கம் நிதிச்சேமிப்பை ஊக்குவித்துள்ளது.

 வங்கிகளின் வராக்கடன் பிரச்னையை தீர்க்க திவால்சட்டம் பயன்படுத்தப்படுகிறது.

 சில்லரை விலை பண வீக்கம் 2017-18 நிதியாண்டில் சராசரியாக 3.3 சதவீதமாக இருந்துள்ளது. இது இதற்கு முந்தைய 6 நிதியாண்டுகளுடன் ஒப்பிடுகையில் மிக குறைவு.

 தீர்ப்பாயங்கள், நீதித்துறைகளில் வழக்குகள் நிலுவை மற்றும் தாமதம், இடையூறுகளுக்கு தீர்வு காணப்பட வேண்டும்.

 நடப்பு நிதியாண்டில் விவசாயிகளுக்கு வட்டிமானிய திட்டத்தில் குறுகிய கால கடன் வழங்க 20,339 கோடி ஒதுக்கீடு செய்யப்பட்டுள்ளது.

 மறு சீரமைப்பு காரணமாக 2017-18 நிதியாண்டில் அந்நியநேரடி முதலீட்டு துறைகள் 15 சதவீதம் வளர்ச்சி பெற்றுள்ளன.

 தூய்மை இந்தியா திட்டத்தால் தூய்மையான ஊரக பகுதிகள் எண்ணிக்கை 2014ம் ஆண்டில் 39 சதவீதமாக இருந்தது இந்தமாதம் வரை 76 சதவீதமாக அதிகரித்துள்ளது.

 கல்வி, சுகாதாரம் போன்ற அடிப்படை உள்கட்டமைப்புகளுக்கு முன்னுரிமை வழங்கப்படும்.

 காற்று மாசுவை கட்டுப்படுத்துவதில் மத்திய மாநில அரசுகள் இணைந்து செயல்பட வேண்டும்.

 நாட்டின் உள்கட்டமைப்புகளை மேம்படுத்த 2040ம் ஆண்டில் 4.5 லட்சம் கோடி டாலர் தேவைப்படும்.

 கடன்சுமை மற்றும் கட்டண போட்டியால் தொலைத் தொடர்பு நிறுவனங்கள் நிதி சிக்கலில் உள்ளன.

 மற்ற நாடுகளுடன் ஒப்பிடுகையில் இந்திய நிறுவனங்களின் ஏற்றுமதிபங்களிப்பு மிக குறைவுதான்.

வங்கிகளின் செயல்பாடு மந்த கதியிலேயே உள்ளது. வராக்கடனும் அதிகரித்துள்ளது.

 ஜிஎஸ்டியில் தமிழகம், குஜராத், மகராஷ்டிரா, உத்தரபிரதேச மாநிலங்களில் வர்த்தகர்கள் அதிகமாக பதிவு செய்துள்ளனர்.

 பருவநிலை மாற்றங்களால் விவசாயிகளின் வருவாயை 20 முதல் 25 சதவீதம் பாதிக்கும். எனவே, புதிய தொழில்நுட்பங்களை பயன்படுத்த வேண்டும்