அரசியல்வாதியின் மகளாக இருந்தபோதும் அந்தநிழலில் தலைவராக வரவில்லை

சென்னை கமலாலயத்தில் உள்ள பாஜக தலைமை அலுவலகத்தில் திங்கள்கிழமை செய்தியாளர்கள் எழுப்பிய பல்வேறு கேள்விகளுக்கு தமிழக தலைவர் தமிழிசை சவுந்தர ராஜன் பதிலளித்தார்.

அப்போது அவர் கூறியதாவது:

“அனைத்து வாக்குச் சாவடிகளுக்கும் பாஜக பொறுப்பாளர்களை நியமித் திருக்கிறது. மிகவெற்றிகரமாக பொறுப்பாளர்களை நியமித்த சிலதென்னிந்திய மாநிலங்களில் தமிழ்நாடும் ஒன்று. பாஜக தேசிய தலைவர் அமித் ஷாவின் தமிழக வருகை பெரும்வெற்றிக்கு அடித்தளம் இடுவதாக அமையும்.

மத்திய பாஜக அரசு தமிழகத்திற்கு நல்ல திட்டங்களை தொடர்ந்து அளித்துவருகிறது. திமுக-காங்கிரஸ் கூட்டணியில் தமிழகத்திற்கு வந்த ஒரு நல்ல திட்டத்தைக்கூட சொல்ல இயலாது. ஆனால், இன்று பிரதமர் மோடி எய்ம்ஸ் மருத்துவமனையை மதுரைக்கு கொடுத்திருக்கிறார். கர்நாடகம் உறுப்பினர் பெயரை அறிவிக்கா விட்டாலும், காவிரி மேலாண்மை ஆணையம், காவிரி நதி நீர் ஒழுங்காற்றுக் குழு அமைக்கப்பட்டுள்ளது. அந்தந்த மாவட்டங்களிலேயே நீட் தேர்வு மையங்கள் அமைக்கப்படும் என மத்திய அமைச்சர் பிரகாஷ் ஜவடேகர் சொல்லியிருக்கிறார்.

மக்களின் உணர்வுகளுக்கு மதிப்பளித்து இயற்கை சீரழிவு இல்லாமல்தான் சேலம்-சென்னை பசுமை வழிச்சாலை அமைக்கப்பட வேண்டும் என மத்திய அரசு சொல்லியிருக்கிறது. எய்ம்ஸ் மருத்துவமனைக்கு அடிக்கல்நாட்ட பிரதமர் மோடி தமிழகம் வருகிறார்.

தமிழகத்தில் உள்ள சில அரசியல்கட்சிகள் வேண்டுமென்றே மத்திய அரசை விமர்சனம் செய்கின்றன. அவர்களுக்கு நல்ல திட்டங்களை பாராட்டுவதற்கு மனமில்லை. ஆட்சிவேறு, கட்சி வேறு. ஆளுநரின் சுற்றுப் பயணத்தை திமுக அநாவசியமாக அரசியலாக்குகிறது. ஆளுநர் மிரட்டுவதாக சொல்கின்றனர். ஆளுநர் மிரட்ட வில்லை, இட்டுக் கட்டவில்லை. சட்டப்படி உள்ளதை அறிக்கையில் சொல்லியிருக்கிறார். அனுமதியில்லாத இடங்களில் போராடினால் கைது செய்யப் படுவார்கள். திமுக சட்டம் ஒழுங்கை பாதித்து குழப்பத்தை விளைவிப் பதற்காக போராட்டம் செய்கிறது. பலமுக்கிய பிரச்சினைகள் இருக்கும்போது இதனை வேண்டுமென்றே கையில் எடுத்திருக்கிறது திமுக.

பயங்கரவாதம் குறித்த மத்திய இணையமைச்சர் பொன்.ராதாகிருஷ்ணனின் கருத்தை அவரிடம்தான் விளக்கம் கேட்க வேண்டும். மாவோயிஸ்டுகள் குறித்து அரசுக்கு தகவல் கிடைத்தால் அதனை அரசு சரியாக பயன்படுத்திக் கொள்ளவேண்டும். இயக்குநர் கவுதமன் உள்ளிட்டவர்கள் பிரிவினைவாத பிண்ணனி உள்ளவர்கள். அவர்கள் யார், எந்த இயக்கத்தைச் சார்ந்தவர்கள் என அறிந்ததால்தான் அவர்களை கைது செய்கிறது. இவர்களின் கைது வரவேற்கத்தக்கது. அவர்கள் நல்லதிட்டங்களை கொண்டுவர விட மாட்டார்கள்.

சேலத்தை தூத்துக்குடியாக மாற்ற வேண்டும் என்பதே இவர்களது திட்டம். அரசுகளை மக்களுக்கு எதிரான வர்களாக சித்தரிக்கின்றனர். பியூஸ் மானுஷ், கவுதமன், பாரதிராஜா ஆகியோர்தான் மக்களுக்கு நல்லது செய்வது போன்று மாயையை உருவாக்குகின்றனர். போராட்டங்கள் நடத்துவதில் தப்பில்லை. மக்களின் உயிரைவாங்கி விடுவதாக அந்த போராட்டங்கள் இருக்கக்கூடாது என்பதில் அக்கறை உள்ளது. இவர்கள் போன்றவர்களின் ஊடுருவலால்தான் தூத்துக்குடி போராட்டத்தில் கலவரம் ஏற்பட்டது என்பது என் கருத்து.

நான் யாரையும் தரக் குறைவாக விமர்சித்ததில்லை. பாமக இளைனரணித் தலைவர் அன்புமணி ராமதாஸ், என்னை தலைவராக இருக்க தகுதி இருக்கின்றதா எனக்கேட்கிறார். தான்மட்டும் அதிபுத்திசாலி, வேறு எந்தக் கட்சியிலும் புத்திசாலிகள் இல்லை என அவர் நினைக்கிறார். 20 ஆண்டுகால கடின உழைப்பு, அறிவாற்றல், தேசியபண்பு இருப்பதால் தான் தேசியக்கட்சியின் தலைவராக வந்திருக்கிறேன். தகுதியில்லாமல் வரவில்லை. அரசியல்வாதியின் மகளாக இருந்தபோதும் அந்தநிழலில் தலைவராக வரவில்லை. சுய உழைப்பில் தலைவராக வந்திருக்கிறேன்” என தமிழிசை தெரிவித்தார்.

Leave a Reply

Tamilthamarai

தற்போதைய செய்திகள்

பக்திக்கு எல்லை இல்லை ! தலைவர்க ...

பக்திக்கு எல்லை இல்லை ! தலைவர்களை வரவேற்போம்!! தமிழக மக்களிடம் முருக பக்தர்கள் மாநாட்டிற்கான ஆதரவு பல்கி ...

மாம்பழ விவசாயிகளை வதைக்கும் தம ...

மாம்பழ விவசாயிகளை வதைக்கும் தமிழக அரசு: நயினார் நகேந்திரன் குற்றச்சாட்டு மாம்பழ விவசாயிகள் வயிற்றில் அடிக்காமல், கொள்முதல் விலையை உயர்த்த ...

முருக பக்தர்கள் மாநாடு அருட்கா ...

முருக பக்தர்கள் மாநாடு அருட்காட்சிக்கு அறுபடை வீடுகளில் இருந்து வந்த வேல் மதுரை, வண்டியூர் டோல் கேட் அருகே ஜூன், 22ல் ...

பயங்கரவாதத்தின் புகலிடமாக கோவ ...

பயங்கரவாதத்தின் புகலிடமாக கோவை மாறிவருவது ஏன்: நயினார் நாகேந்திரன் கேள்வி கோவை பயங்கரவாதத்தின் புகலிடமாக மாறிவருவது ஏன்? என தமிழக ...

கோவில் சிலைகள் பாதுகாப்பு கேள் ...

கோவில் சிலைகள் பாதுகாப்பு கேள்விக்குறியானது ஏன்? – நயினார் நாகேந்திரன் கோவை சின்னியம்பாளையத்தில் பிளேக் மாரியம்மன் கோவில் சிலைகளை, மர்ம ...

காவலர்களுக்கு பதவி உயர்வு அரசா ...

காவலர்களுக்கு பதவி உயர்வு அரசாணை: முதல்வருக்கு நயினார் நகேந்திரன் வலியுறுத்தல் 2011-ஆம் ஆண்டுக்கு முன்பு பணியில் சேர்ந்த காவலர்களுக்கு, சிறப்பு ...

மருத்துவ செய்திகள்

ஆப்பிளின் மருத்துவக் குணம்

ஆப்பிள் தாகத்தை தணிக்கும். எளிதில் செரிமானம் ஆகிவிடும். குடல்களை வலுவாக்கும். வயிற்றுப் பொருமலையும், ...

எலும்பு மஜ்ஜை குறைபாடு நீங்க

நோய் எதிர்ப்புச்  சக்தியை அளிக்கும் வெள்ளை அணுக்கள் இரத்தத்தில் குறையும்போது  எலும்பு மஜ்ஜை ...

கீரையின் மருத்துவ குணம்

கீரைகளில் உப்புச் சத்துக்களும், உலோகச் சத்துக்களும், வைட்டமின் என்னும் உயிர்ச் சத்துக்களும் உள்ளன. ...