நாடு முழுவதும் மக்களிடையே காங்கிரஸ் எதிர்ப்புணர்வு நிலவுகிறது, அதை பா.ஜ.க பயன்படுத்தி கொள்ளவேண்டும் என மாநிலங்களவை எதிர்க் கட்சி தலைவர் அருண் ஜேட்லி கருத்து தெரிவித்துள்ளார் .

பா.ஜ.க மும்பை தேசிய செயற் குழு கூட்டத்தில் அவர் பேசியதாவது ; காங்கிரஸ்சின் கொள்கை முடிவுகளும் நடை முறைகளும் தங்களுக்கு உவப்பானவையல்ல என தோழமை கட்சிகள் கூறுகின்றன , தங்களுடைய எண்ணங்களுக்கு ஏற்ப செயல்பட தயங்குகின்றன.

முலாயம் சிங் , மாயாவதி போன்றோர் சி.பி.ஐ,.யின் மூலம் விசாரிக்கபடும் ஊழல் வழக்குகளால் அடக்கி வைக்கப்பட்டுள்ளனர் . ஐக்கிய முற்போக்கு கூட்டணிஅரசியல் நிர்வாகம் நாட்டுக்கு மிக பெரிய கேடினை விளைவித்து கொண்டிருக்கிறது.

தேசிய ஜனநாயக கூட்டணியில் இப்போது இடம்பெற்றுள்ள கட்சிகளுடன் மேலும் பல கட்சிகளையும் நாம் சேர்க்க வேண்டும். எந்த பிரச்னையிலும் கட்சிக்குள்ளிருந்து ஒரே கருத்துதான் வெளிப்படவேண்டும். அனைவரும் ஒருமித்த குரலில் பேசவேண்டும்’ என அருண் ஜேட்லி தெரிவித்தார்.