பா.ஜ.க. மத்தியில் மீண்டும் ஆட்சிக்கு வந்தால், சட்டவிரோத ஊடுருவலை தடுப்பதற்கு நாட்டின் சர்வதேச எல்லைகளை, “சீல்வைப்பதற்கான நடவடிக்கைகளை மேற்கொள்ளும் என்று பா.ஜ.க. தேசிய தலைவர், நிதின் கட்காரி தெரிவித்துள்ளார் .

இந்திய – சீன போரின், 50 ம் ஆண்டு தினத்தை முன்னிட்டு , அசாம் மாநிலம் கவுகாத்தியில், பா.ஜ.க நேற்று பேரணியை தொடங்கியது இதை துவங்கி வைத்து கட்காரி பேசியதாவது: ஒருவர் எந்த ஒருநாட்டிற்கு செல்ல வேண்டும் என்றாலும் , விசா உள்ளிட்ட பல ஆவணங்களை சமர்ப்பிக்க வேண்டும் . ஆனால் நமது_நாட்டின் சர்வதேச எல்லைகள் திறந்துவிடப்பட்டுள்ளன. அண்டை நாடுகளிலிருந்து, ஏராளமானோர் சட்டவிரோதமாக, நம் நாட்டிற்குள் ஊடுருவி, நிலம் , சொத்துக்கள் போன்றவற்றை வாங்குகின்றனர். சட்டவிரோதமாக வந்தவர்கள், இந்தியாவுக்கு எதிராக குரல் கொடுத்தால் , காங்கிரஸ் அரசு, அதைப்பற்றி கவலைப்படுவதில்லை. “நீங்கள் எதற்கும் கவலைப்படவேண்டாம்; உங்களுக்கு வேண்டியதை செய்துதருகிறோம்; ஆனால், காங்கிரசுக்கு ஓட்டுப்போட்டு விடுங்கள்’ என கூறி, அவர்களை வரவேற்கிறது. சட்டவிரோத ஊடுருவல், நாட்டின் இறையாண்மைக்கு பெரும் அச்சுறுத்தலாக இருக்கிறது. ஓட்டுவங்கி அரசியலுக்காக, காங்கிரஸ் இதை ஆதரிக்கிறது.

நமது எல்லை பகுதிகள் எல்லாம், பாதுகாப் பாற்ற நிலையில் உள்ளன. 1962, இந்திய – சீன போரின்போது இருந்த, குறைபாடுகள் மூலம் நாம் பாடம் கற்றுக்கொள்ள வேண்டும். அதுபோன்ற தவறுகள், மீண்டும் நிகழாமல் பார்த்துக் கொள்ளவேண்டும். அசாமின் தற்போதைய காங்கிரஸ் முதல்வர், தருண்கோகோய் உள்ளிட்ட , இங்குள்ள காங்கிரஸ் தலைவர்கள் எல்லாம், சட்டவிரோத ஊடுருவலை ஆதரிக்கின்றனர்.

பா.ஜ.க, மத்தியில் மீண்டும் ஆட்சிக்கு வந்தால், சட்டவிரோத ஊடுருவலை தடுப்பதற்கு , சர்வதேச எல்லைகளை, “சீல்_வைப்பதற்கான நடவடிக்கைகள் மேற்கொள்ளப்படும் . தன்னை சுற்றி உள்ள அண்டை நாடுகள் எல்லாம், பகைநாடுகளாக உள்ளதால் , இஸ்ரேல் தங்கள்நாட்டின் எல்லைகளை எல்லாம், “சீல்’ வைத்துள்ளது. அதே போன்று , நாமும் செய்யவேண்டும். என்று கட்காரி பேசினார்.