அயோத்தியில் ராமர் கோயில் கட்டுவதற்கு மத்திய அரசு சட்டம்கொண்டு வரவேண்டும் என ஆர்எஸ்எஸ். வேண்டுகோள் விடுத்துள்ளது.

மகாராஷ்டிர மாநிலம் நாக்பூரில் நடந்த விஜயதசமி கொண்டாட்டத்தில் ஆர்எஸ்எஸ். தலைவர் மோகன் பகவத் கலந்து கொண்டு பேசியதாவது:-

அயோத்தியில் பண்பாட்டு எல்லைகளுக்குவெளியில் மட்டுமே சிறுபான்மை சமுதாயத்தின் நலனுக்காக கட்டிடங்கள் கட்டலாம் என்று அனுமதி தரப்பட்டுள்ளது . ஆனால் ராமஜென்ம பூமிக்கு அருகிலேயே பெரியகட்டிடங்கள் கட்ட முயற்சி நடப்பதாக தகவல்கள் வெளியாகியுள்ளன. இப்பணிகளுக்கு மாநில அரசுகள் உதவிசெய்வதாகவும் தெரிய வந்துள்ளது.

ராம்ஜென்ம பூமி கோவில் கட்டுவது தொடர்பான வழக்கு நீதிமன்றத்தில் நிலுவையில் உள்ளது. எனவே, இந்த சூழ்நிலையில் இது போன்ற பொறுப்பற்ற திட்டங்களை தீட்டுவது, நீண்டநாட்களாக கோடிக் கணக்கான இந்துக்களின் உணர்வுகளை பாழ் படுத்துவதுடன், நீண்ட நாட்களாக நிலவிவரும் அமைதிக்கு பாதகத்தை உருவாக்கும் .

கடந்த 2010ம் வருடம் செப்டம்பர் 30ம் தேதி அலகாபாத் உயர் நீதிமன்றம் அளித்த தீர்ப்பினை பரிசீலனைசெய்து, அயோத்தியில் ராம்ஜென்மபூமி கோவில் கட்டுவதற்கு சட்டம் இயற்றவேண்டும். இதுதான் பிரச்சினையை சுமூகமாக தீர்ப்பதற்கு ஒரேவழி என்று அவர் பேசினார்.