பாகிஸ்தானுக்கு பிரதமரின் எச்சரிக்கையை பா.ஜ.க வரவேற்றுள்ளது. இருப்பினும் அனைத்து தரப்பிலும் பேசப்பட்ட_பிறகு தாமதமாக பிரதமர் பதில் தந்திருப்பது சந்தேகத்தை ஏற்படுத்துகிறது. கட்டாயத்தின்பேரில் அவர் இதை கூறினாரா? என பாஜக மூத்த தலைவர் அருண்ஜெட்லி கேள்வி எழுப்பினார்.

தேசிய பாதுகாப்பு ஆலோசகர் சிவசங்கர மேனனை சந்தித்துபேசியது தனக்கு திருப்தி தருவதாக சுஷ்மா சுவராஜ் கருத்து தெரிவித்துள்ளார் . நாட்டின் மனநிலை , எதிர்க்கட்சிகள் எண்ணங்கள் என்ன என்பதை பிரதமர் உணர்ந்துள்ளார் என்றும் அவர் கூறினார்.

பிரதமரின் பதிலை வரவேற்றுள்ள யஷ்வந்த் சின்கா. அறிக்கை விடுவதுடன் நின்றுவிடாமல் பாகிஸ்தானுக்கு எதிராக கடும்நடவடிக்கை எடுக்க வேண்டும் என்று மத்திய அரசை அவர் வலியுறுத்தியுள்ளார்.