இலங்கையில் நடைபெறும் காமன்வெல்த்மாநாட்டை இந்தியா புறக்கணிக்க வலியுறுத்தி வரும் ஆகஸ்ட் 24ஆம் தேதி பா.ஜ.க சார்பில் தமிழகம்முழுவதும் ஆர்ப்பாட்டம் நடைபெறும் பாஜக மாநிலத்தலைவர் பொன். ராதாகிருஷ்ணன் தெரிவித்துள்ளார்.

இது குறித்து அவர்வெளியிட்ட அறிக்கையில் மேலும் கூறியிருப்பதாவது:

வரும் நவம்பரில் இலங்கையில் நடைபெற இருக்கும் காமன்வெல்த் நாடுகளின் மாநாட்டில் பங்கேற்குமாறு அந்நாட்டு வெளியுறவுத்துறை அமைச்சர் ஜிஎல். பெரீஸ், பிரதமர் மன்மோகன் சிங்கிற்கு நேரில் அழைப்புவிடுத்துள்ளார்.இலங்கையில் லட்சக் கணக்கான தமிழர்கள் இனப் படுகொலை செய்யப்பட்டதற்கு காரணமான அந்நாட்டு அதிபர் ராஜபட்சவுக்கு தண்டனை வழங்கவேண்டும் என்று உலக நாடுகள் வலியுறுத்தி வருகின்றன.இந்நிலையில் இலங்கையில் நடைபெறும் காமன்வெல்த் நாடுகளின் மாநாட்டில் இந்தியா பங்கேற்கக்கூடாது என்று தமிழகத்தில் உள்ள அரசியல் கட்சிகள் மற்றும் தமிழ் அமைப்புகளை சேர்ந்தவர்கள் வலியுறுத்திவருகின்றனர்.

தமிழகமக்களின் உணர்வுகளுக்கு மதிப்பளித்து இலங்கையில் நடைபெறவுள்ள காமன்வெல்த் நாடுகளின் மாநாட்டில் இந்தியா சார்பில் யாரும் பங்கேற்கக்கூடாது. அதோடு காமன்வெல்த் அமைப்புக்கு இலங்கை அதிபர் தலைமைவகிக்கும் வரை அதிலிருந்து இந்தியா விலகியிருக்க வேண்டும்.இதனையும்மீறி மாநாட்டில் பங்கேற்றால், தமிழர்களுக்கு இழைக்கப்பட்ட அநீதியை இந்தியா அங்கீகரித்ததாகி விடும். எனவே, மாநாட்டில் இந்தியா பங்கேற்கக்கூடாது என்பதை வலியுறுத்தி ஆகஸ்ட் 24ஆம் தேதி தமிழகம்முழுவதும் ஆர்ப்பாட்டங்கள் நடைபெறும்.

“மெட்ராஸ்கபே’ படத்தை திரையிடக்கூடாது: இலங்கை தமிழர்களின் துயரங்களை அறியாமல், அவர்களை தீவிரவாதிகளைப்போல சித்தரித்து மெட்ராஸ் கபே என்ற பெயரில் திரைப்படம் எடுத்திருப்பது கண்டனத்துக் குரியது. இப்படத்தை தமிழகம் மட்டும் அல்ல, நாட்டில் எங்கும் திரையிட அனுமதிக்கக்கூடாது என்று பொன். ராதாகிருஷ்ணன் கேட்டுக் கொண்டுள்ளார்.