"வீடு தோறும் மோடி, உள்ளம்தோறும் தாமரை' என்ற பாஜகவின் மாநிலம் தழுவிய பாதயாத்திரை ஞாயிற்றுக்கிழமை (டிசம்பர் 1) ந்தேதி 1oooo க்கும் அதிகமான கிராமங்களில் பாஜக நேற்று தொடங்கியது.

மதுரை அருகே உள்ள கருப்பா யூரணி பஞ்சாயத்தில் மாநிலதலைவர் பொன். ராதாகிருஷ்ணன் பாதயாத்திரையை தொடங்கி வைத்தார். சிவ ராமன் தலைமை தாங்கினார். பஞ்சாயத்து தலைவர் க.அரசு முன்னிலைவகித்தார்.

நிகழ்ச்சியில் குஜராத்தில் அமையஇருக்கும் சர்தார்பட்டேல் சிலைக்கு பஞ்சாயத்து தலைவர் அரசு அவரது கலப்பையில் உள்ள இரும்புகொழுவை வழங்கினார்.

இதில் மாநில துணைத்தலைவர் சுரேந்திரன், மாவட்டதலைவர் உள்பட பலர் கலந்துகொண்டனர். பிரசார யாத்திரை குறித்து பொன். ராதாகிருஷ்ணன் கூறியதாவது:–

தமிழகம் முழுவதிலும் உள்ள 10 ஆயிரத்துக்கும் அதிகமான பஞ்சாயத்துக்களில் இன்று யாத்திரைதொடங்கி உள்ளது. வருகிற 22ந் தேதி வரை இந்தயாத்திரை நடைபெறும்.

தற்போதைய சூழ்நிலையில் நரேந்திரமோடி பிரதமர் ஆனால் தான் இந்தியாவை காப்பாற்றமுடியும் என்பதை மக்கள் உணர்ந்துள்ளனர்.

எனவேதான் நாடுமுழுவதும் மோடி அலை வீசுகிறது. வீடுகள்தோறும் சென்று மோடிக்கு ஆதரவு திரட்டுவதால், தாமரைசின்னத்தை மக்கள் மனதில் பதிய வைப்பதும் தான் இந்த யாத்திரையின் நோக்கம்.

கிராமங்கள்தோறும் மக்களின் பிரச்சினைகள், விவசாய நிலங்களின் நிலை , விவசாயிகளின் நிலை உள்ளிட்ட அனைத்து விவரங்களும் இந்த யாத்திரையின்போது திரட்டப்படும். யாத்திரை நிறைவடைந்ததும் தமிழக கிராமங்களின் நிலமைகள் பற்றி மோடிகவனத்துக்கு கொண்டுசெல்லப்படும். அதன் அடிப்படையில் கிராமங்களின் வளர்ச்சிக்கான திட்டங்களை அவர்தீட்டுவார். என்று அவர் கூறினார்.