பா.ஜ.க பிரதமர் வேட்பாளர் நரேந்திரமோடி கலந்துகொள்ளும் ‘மகா கர்ஜனை’ பேரணி 22ந் தேதி மும்பையில் நடக்கிறது. இந்தபேரணியில் அதிக அளவு மாணவர்கள் மற்றும் இளைஞர்களை திரட்டுவதற்காக மும்பை பா.ஜ.க சார்பில் பல்வேறு நடவடிக்கைகள் மேற்கொள்ளபட்டு வருகிறது. இதற்காக பா.ஜ.க சமூக ஊடககுழு அமைக்கப்பட்டுள்ளது. இந்தகுழு சமூக வலைதளங்கள், செல்போன் போன்ற தகவல் தொழில்நுட்பம் மூலமாக இளைஞர்களிடையே பிரசாரம்செய்ய அதிக ஆர்வம்காட்டி வருகிறது.

இதன் ஒருபகுதியாக நரேந்திரமோடியின் கூட்டத்திற்கு வருகைதர மும்பையில்வாழும் ஒவ்வொரு தனிநபருக்கும் செல்போன் மூலமாக எஸ்எம்எஸ். அனுப்பப்பட்டு வருகிறது.

இந்த குழு ‘மகாகர்ஜனை’ பேரணியில் கலந்துகொள்ள இதுவரை 1 கோடி இளைஞர்களின் செல்போனுக்கு எஸ்எம்எஸ். மூலமாக அழைப்பு விடுத்துள்ளது. அதேபோல் இமெயில் மூலமாக 2கோடி இளைஞர்களுக்கு அழைப்பு விடுக்கப்பட்டுள்ளது. மேலும் இந்தபேரணியில் கலந்துகொள்ள விரும்புபவர்கள் பா.ஜ.க வெளியிட்டுள்ள ஒருகுறிப்பிட்ட எண்ணிற்கு மிஸ்டுகால் கொடுத்து பதிவுசெய்து வருகின்றனர்.

இது வரை சுமார் 1 லட்சத்து 27 ஆயிரம்பேர் மிஸ்டுகால் கொடுத்து பேரணியில் கலந்துகொள்ள விருப்பம் தெரிவித்துள்ளனர். சுமார் 37 ஆயிரம்பேர் இணையதளத்தில் பேரணியில் பங்கேற்க பதிவுசெய்துள்ளனர்.

இதுபோன்ற சமூக வலைதளமான பேஸ்புக்கில் 19 வீடியோ காட்சிகள் இந்த பேரணியில் இளைஞர்கள் பங்குபெற அழைப்புவிடுக்கும் வகையில் பதிவேற்றம் செய்யப்பட்டுள்ளது. மேலும் வாட்ஸ்அப், டிவிட்டர், யூடியூப் போன்றவற்றிலும் 360 வீடியோ காட்சிகள் பா.ஜ.க பிரதமர்வேட்பாளர் நரேந்திரமோடிக்கு ஆதரவாக பிரசாரம் செய்துவருகின்றன.இந்த தகவல் பா.ஜ.க சமூக ஊடககுழு சார்பில் வெளியிட்டுள்ள செய்திக் குறிப்பில் கூறப்பட்டுள்ளது.