தேர்தல் அறிவித்து 40 நாட்களுக்கு பிறகு பாஜக., வை பற்றி முதல்வர் ஜெயலலிதா விமர்சித்துள்ளது, அதிமுக. பின்னோக்கி செல்வதையே காட்டுகிறது,” என்று , பா.ஜ., மாநில தலைவர் பொன். ராதாகிருஷ்ணன் தெரிவித்துள்ளார்.

அம்பேத்கார் பிறந்தநாளையொட்டி நேற்று நாகர்கோவிலில் உள்ள அம்பேத்கார் சிலைக்கு கன்னியா குமரி பாராளுமன்ற தொகுதி பா.ஜ.க வேட்பாளரும், மாநில பா.ஜ.க தலைவருமான பொன்.ராதாகிருஷ்ணன் மாலை அணிவித்தார். பின்னர் அவர் நிருபர்களிடம் கூறியதாவது:–

அம்பேத்காரின் தியாக மனப் பான்மையை கருத்தில்கொண்டு, அவரது வழியில் நரேந்திரமோடி செயல்படுகிறார். அடுத்த பத்து ஆண்டுகளில் அடித்தட்டு மற்றும் தாழ்த்தப்பட்ட மக்கள் வாழ்வின் நிலையை உயர்த்த பாடுபடுவேன் என்று அவர் உறுதிபூண்டுள்ளார். அடுத்து உருவாக இருக்கிற நரேந்திர மோடி அரசு அம்பேத்காரின் லட்சியத்தை சுமந்துசெல்லும் அரசாக இருக்கும்.

நரேந்திர மோடி வந்துசென்றது அரசியலில் புதிய சரித்திரத்தையும், புதிய அத்தியாயத்தையும் ஏற்படுத்தியுள்ளது. ரஜினி காந்தை மோடி சந்தித்ததும், மோடியுடன் ரஜினி காந்த் உரையாடியதும் அவர்களுக்கு இடையே உள்ள அன்பை வெளிப்படுத்துவதாக அமைந்துள்ளது. மோடிமீது ரஜினி காந்த் மிகுந்த மதிப்பும், மரியாதையும் வைத்திருக்கிறார்.

தமிழ்நாடு முழுவதும் 40 நாள் பிரசாரத்தைமுடித்த நிலையில் பா.ஜ.க பற்றி ஜெயலலிதா விமர்சனம் செய்திருப்பது, அதிமுக. பின்னோக்கி செல்வதையே காட்டுகிறது.

வருகிறகாலம் தமிழ்நாட்டுக்கு மறு மலர்ச்சி ஏற்படுகிற காலமாகும். உலகதமிழர்களின் நலனை பாதுகாப்பது இந்திய அரசின் கடமை என்று நரேந்திர மோடி சொல்லியிருப்பது நிச்சயம் நிறைவேறும் என்று கூறினார்