தொலைக்காட்சி உள்ளிட்ட காட்சி ஊடகங்கள் தேவையற்ற விவாதநிகழ்ச்சிகளின் மூலம் செய்திகளின் கோணத்தில் இருந்து மக்களை திசை திருப்பி வருகிறது , இனி வரும் நாட்களில் ஒளியூடகங்களை பின்னுக்குத்தள்ளி அச்சு ஊடகங்கள் எழுச்சியடையும்

செய்திகளுக்கும் கருத்துகளுக்கும் இடையில் இருக்கும் வேறுபாடுகள் சமீப காலமாக மழுங்கடிக்கப்பட்டு வருகிறது , ஒருசெய்தியின் பின்னணியில் உள்ள உண்மை நிலவரத்தை புரிந்து கொள்ள மக்கள் சிரமப்படும் நிலையில், இதுபோன்ற கோணல்கள் ஏதுமின்றி அச்சு ஊடகங்களால் மட்டுமே உண்மை செய்திகளை வழங்கமுடியும்

செய்திகள் புனித மானவை என்ற பழைய தொழில் தர்மம் நிலைநாட்டப்பட வேண்டும். செய்திசார்ந்த தனிப்பட்ட கருத்துகள் ஏதுமிருந்தால் அவை அந்த பத்திரிகை களின் தலையங்கம் பகுதியில் தனியாக இடம் பெறலாம் , தற்காலத்தில், ஒருசெய்தியின் பின்னணியில் ஒரேபாணியில் டி.வி. சேனல்களில் விவாதங்கள் நடத்தப்பட்டுவருகின்றன. இவை பெரியளவில் வெளிச்சம்போட்டு காட்டப்படுகின்றது.

இதுபோன்ற விவாதங்களுக்கு பிறகு உண்மையான செய்தி என்ன? என்பதை அறிந்து கொள்ள தேடவேண்டிய நிலைக்கு பார்வையாளர்கள் தள்ளப் படுகின்றனர். எனவே, எவ்வித இடைச் சொருகலும் இல்லாமல் தெளிவான செய்தியை வழங்கும்வாய்ப்பு அச்சு ஊடகங்களான பத்திரிகைகளுக்கு கிடைக்கின்றது. இந்த வாய்ப்பை பயன் படுத்தி காட்சி ஊடகங்ளுக்கு போட்டியாக அச்சு ஊடகங்கள் நிமிர்ந்தெழுந்து நிற்கவேண்டும்.

உலகம் முழுவதும் அச்சு ஊடகங்கள் கடும்நெருக்கடியை சந்தித்து வந்தாலும் அவற்றின் எண்ணிக்கை அதிகரித்துகொண்டே வருகின்றது, இந்தவளர்ச்சி ஜனநாயகத்துக்கு மிகவும் நல்லது , புதிய பிராந்திய மொழி பத்திரிகைகளில்  இந்தியாவில் நாளிதழ்களின் வளர்ச்சி எட்டுசதவீதம் அதிகரித்துள்ளது.

நன்றி அருண் ஜெட்லி