கரீப் கல்யாண் திட்டத்தின் கீழ் 80 கோடி பேருக்கு இலவச உணவு

பிரதமரின் கரீப்கல்யாண் திட்டத்தின் கீழ் நாடுமுழுக்க சுமார் 80 கோடி பேருக்கு உணவு தானியங்கள், பருப்பு வகைகளை இலவசமாக வழங்குவதற்கு  ஏற்பாடுகள் நடந்து வருவதாக மத்திய அரசு தெரிவித்துள்ளது.

“பிரதமரின் கரீப் கல்யாண் அன்ன யோஜ்னா” திட்டத்தின் கீழ் அனைத்து மாநில மக்களுக்கும்  உணவு தானியங்கள் அளிக்கும் முயற்சிகளில் மத்திய அரசு ஈடுபட்டு வருகிறது. அமைச்சர் ராம்விலாஸ் பாஸ்வான் இந்தத் தகவலை இன்று தெரிவித்தார்.

இதற்காக இந்திய உணவுக் கார்ப்பரேசன் நிறுவனம் 2641 ரயில் பெட்டிகளில் கோதுமை மற்றும் அரிசிகளை ஏற்றியுள்ளது. மொத்தம் 73.92 இலட்சம் மெட்ரிக்டன் அளவுக்கு (அரிசி 55.38 இலட்சம் மெட்ரிக் டன், கோதுமை 18.57 இலட்சம் மெட்ரிக் டன்) ஏற்றப்பட்டுள்ளன. 24.03.2020 (நாடு முழுக்க முடக்கநிலை அமல் செய்யப்பட்ட தேதி) நாளில் இருந்து 08.05.2020 வரையிலான காலத்தில் இதுதான் அதிக அளவிலான உணவுதானிய நகர்வுக்கான ஏற்பாடாக இருக்கிறது.

பிரதமரின் கரீப் கல்யாண் திட்டத்தின்கீழ் ஏப்ரல் மாத விநியோகத்தில் 21 மாநிலங்கள், யூனியன் பிரதேசங்கள் 90 சதவீதத்துக்கும் அதிகமாக பணிகளை முடித்து விட்டன. இந்த 21 மாநிலங்கள், யூனியன் பிரதேசங்களில் சுமார் 41.35 கோடி பயனாளிகளுக்கு இவை வழங்க பட்டுள்ளன. அந்தமான் நிக்கோபர்தீவு, தாத்ராநகர் மற்றும் ஹவேலி, டாமன் & டையூ, மத்தியப்பிரதேசம், ஒடிசா, புதுச்சேரி, இமாச்சலப் பிரதேசம் போன்ற மாநிலங்கள், யூனியன் பிரதேசங்களில் இந்தத் திட்டத்தின்கீழ் இரண்டு மாதத்துக்கான உணவு தானியங்கள் ஒரே தவணையில் வழங்கப்படுகின்றன என்று மத்திய அமைச்சர் தெரிவித்தார்.

தேசிய உணவுப் பாதுகாப்புச் சட்டத்தின் படியான குடும்ப அட்டைகள் வைத்திருக்கும் சுமார் 6 கோடிபேருக்கு விசேஷ குறுஞ்செய்தித் தகவல்களை 20 மாநிலங்கள் / யூனியன் பிரதேசங்கள் அனுப்பியுள்ளன. பிரதமரின் கரீப் கல்யாண் திட்டத்தின் கீழ் இலவச உணவு தானியங்கள் இலவசமாக வழங்கப்படும். கூடுதல் ஆதாயம்பற்றி விழிப்புணர்வு ஏற்படுத்துவதற்காக இந்த குறுஞ் செய்தித் தகவல்கள் கைபேசிகளுக்கு அனுப்ப பட்டுள்ளன என்று அமைச்சர் தெரிவித்தார்.

கோவிட்-19 நோய்த் தாக்குதலால் ஏற்பட்டுள்ள பல்வேறு பொருளாதார சங்கடங்களை ஏழைகள் எதிர்கொள்வதற்கு உதவும்வகையில் பிரதமரின் கரீப் கல்யாண் திட்டம் அமல்படுத்தப் படுகிறது. பாதிப்புக்கு ஆளாக வாய்ப்புள்ள ஏழைக் குடும்பம் அல்லது ஏழைகள் யாரும், அடுத்த 3 மாதங்களுக்கு உணவுதானியம் கிடைக்காமல் துன்புறக்கூடாது என்பதை உறுதி செய்வதை நோக்கமாகக் கொண்டு இத் திட்டத்தை அரசு செயல்படுத்துகிறது.

அதன்படி அனைத்து மாநிலங்கள், யூனியன் பிரதேசங்களில் 80 கோடி தேசிய உணவுப் பாதுகாப்புச் சட்டத்தின் படியான குடும்ப அட்டைகள் வைத்திருக்கும் பயனாளிகளுக்கும் பிரதமரின் கரீப் கல்யாண் திட்டத்தின் கீழ் கூடுதல் உணவு தானியங்களை, ஏப்ரல் முதல் ஜூன் வரையிலான 3 மாத காலத்துக்கு வழங்குவதற்கான கொள்கை முடிவை, உணவு மற்றும் பொது விநியோகத்துறை எடுத்துள்ளது. ரொக்க உதவிகளை நேரடியாகக் கணக்கில் செலுத்தும் திட்டத்தை அமல் செய்யும் யூனியன் பிரதேசங்களும் இதில் அடங்கும்.

உணவு தானியங்கள் தவிர, 19.50 கோடி குடும்பங்களுக்கு மூன்று மாதங்களுக்கு ஒரு கிலோ பருப்பு வகைகளையும் அரசு வழங்குவதாக அமைச்சர்பாஸ்வான் கூறினார். முதன்முறையாக நுகர்வோர் விவகாரங்கள் துறை இவ்வளவு அதிக அளவில் பருப்பு வகைகளைக் கையாள்கிறது என்றார் அவர். நாடுமுழுக்க நாபெட் கிடங்குகளில் இருப்பில் உள்ள பருப்புகளை இத் திட்டத்திற்குப் பயன்படுத்திக் கொள்ள அரசு அனுமதி அளித்துள்ளது. இதற்காக இதுவரையில் 100க்கும் மேற்பட்ட பருப்பு மில்களின் சேவையை நாபெட் பயன்படுத்திக் கொண்டுள்ளது.

அதிகரித்து வரும் தேவைகளை சமாளிப்பதற்கு ஏற்ற அளவில் உணவு தானியங்கள் கையிருப்பில் உள்ளதாகத் தெரிவித்த அமைச்சர், கொள்முதல் நடவடிக்கைகளும் தொடர்ந்து நடந்து வருவதாக குறிப்பிட்டார்.

Comments are closed.

Tamilthamarai

தற்போதைய செய்திகள்

கோவிட் விழிப்புடன் இருக்க வேண் ...

கோவிட் விழிப்புடன்  இருக்க வேண்டும் கோவிட்-19, இன்ஃப்ளூயன்சா தடுப்புக்கான பொதுசுகாதார தயார் நிலை ...

பிரதமர் மோடி குறித்து அவதூறு ர ...

பிரதமர் மோடி குறித்து அவதூறு  ராகுல் குற்றவாளி என தீர்ப்பு பிரதமர் மோடி குறித்து அவதூறாகபேசியதாக தொடரப்பட்ட வழக்கில் காங்கிரஸ் ...

கோவில்கள் மீதான தாக்குதல் ஆஸி., ...

கோவில்கள் மீதான தாக்குதல் ஆஸி., பிரதமரிடம் நரேந்திர மோடி வருத்தம். ஆஸ்திரேலியாவில் இந்து கோயில்கள்மீது அடுத்தடுத்து தாக்குதல் நடத்தப்படுவது தொடர்பாக ...

தி.மு.க. என்றால் குடும்ப அரசியல், ...

தி.மு.க. என்றால் குடும்ப அரசியல், பணம், கட்டப்பஞ்சாயத்து கிருஷ்ணகிரி மாவட்டம் குந்தாரப் பள்ளியில் பா.ஜனதா கட்சியின் மாவட்ட ...

அவசரக்குடுக்கை ஆர் எஸ் பாரதி

அவசரக்குடுக்கை ஆர் எஸ் பாரதி நான் இரட்டை வேடம் போடுவதாக, அவசரக்குடுக்கை ஆர் எஸ் ...

திறனற்ற திமுகவுக்கு திராணி இரு ...

திறனற்ற திமுகவுக்கு திராணி இருந்தால் என்னை கைதுசெய்யுங்கள் வடமாநில தொழிலாளர் குறித்து முதல்வர் ஸ்டாலின் பேசிய வீடியோவை ...

மருத்துவ செய்திகள்

முருங்கைப் பூ, முருங்கை பூவின் மருத்துவ குணம்

முருங்கைப் பூ நாக்கின் சுவையின்மையை போக்கும் தன்மை கொண்டது. முருங்கை பூவை பாலில் வேகவைத்து- ...

இரத்த அழுத்த நோய்

கல்யாணமுருங்கைக் கீரை, சீரகம் இரண்டையும் நெல்லிச்சாறு சேர்த்து அரைத்து தினமும் அதி காலையில் ...

வாய் துர்நாற்றம் நீங்க

ஒரு சிலர் வாயை திறந்தாலே நமக்கு தலை சுற்றி மயக்கமே வந்துவிடும் . ...