ஜெய்ஹிந்த் அன்று வெள்ளையர்கள் பதறினார்கள் இன்று கொள்ளையர்களும், பிரிவினை பேசுபவர்களும் பதறுகிறார்கள்

ஆளுநர் உரையை படித்தவுடனேயே தமிழகம் தலை நிமிர்ந்துவிட்டது என்பதை புரிந்து கொண்டேன். ஒருவரியில் சொல்ல வேண்டும் என்று சொன்னால் சென்ற ஆளுநர் உரையை நான் பார்த்தேன். கடைசியிலே நன்றி வணக்கம், ஜெய்ஹிந்த் போட்டிருக்கிறது. ஆனால் இந்த ஆளுநர் உரையிலே அந்தஜெய்ஹிந்த் இல்லை என்பதை இங்கே பதிவு செய்ய ஆசைப்படுகிறேன் என்று திருச்செங்கோடு சட்டமன்றத் தொகுதி திமுக எம்எல்ஏ சட்டமன்றத்தில் பேசி “ஜெய்ஹிந்த்” என்ற தேச உணர்வு மந்திரத்தை இழிவுப்படுத்தி உள்ளார்.

அதாவது ஜெய்ஹிந்து என்று குறிப்பிட்டாததால் தமிழகம் தலைநிமிர்ந்துவிட்டது என்று கூறி கொண்டாடி உள்ளனர். திமுக எம்எல்ஏ, ஜெய்ஹிந்த் கோஷத்தை இழிவுப்படுத்தியதை, அப்போது அவையில் இருந்த முதல்வர். திரு. மு.க. ஸ்டாலின் அவர்கள், உள்ளம் மகிழ்ந்து உள்ளார். திமுக எம்எல்ஏ அவர்களின் இந்த செயலை ஒப்புக்குக் கூட இதுவரை கண்டிக்கவில்லை. ஆனால் ஒட்டுமொத்த தமிழ் மக்களும் கொந்தளித்து போய் உள்ளார்கள்.

தேச துரோக செயல்களை ஊக்குவிப்பதிலும், சுதந்திரப் போராட்ட வீர்ர்களை கொச்சைப்படுத்துவதிலும், இந்து கடவுள்களை இழிப்படுத்துவதிலும், இந்து மத வழிப்பாட்டு முறைகளை இழிவுப்படுத்துவதிலும், தொடர்ந்து திமுக ஆதரவை நல்கி வருகிறது.

பிரிவினையை தூண்டும் வகையில் மத்திய அரசை, ஒன்றிய அரசு என்று தொடங்கினார்கள். இதன் மூலம் பிரிவினைவாத, தேசதுரோக, தனித்தமிழ்நாடு, திராவிடநாடு போன்ற உளுத்துப்போன சித்தாந்த்த்திற்கு புத்துயிர் கொடுக்க முயல்கின்றனர். அந்த வரிசையில் இப்போது ஜெய்ஹிந்த் இழிவுப்படுத்தப்பட்டுள்ளது.

ஜெய்ஹிந்த் என்ற மாபெரும் மந்திரச் சொல்லை இந்தியாவுக்கு வழங்கியது ஒரு தமிழன். செண்பகராமன் பிள்ளை என்ற பச்சை தமிழன் தான் முதன்முதலில் ஜெய்ஹிந்த் என்ற உணர்ச்சிப் பிழம்பு கோஷத்தை உச்சரித்தார். அந்த கோஷத்தை நேதாஜி சுபாஷ் சந்திரபோஸ் அவர்களிடம் எழுப்பி அதனை இந்திய தேசிய இராணுவத்தின் கோஷமாகப்பட்டது. அதன் பிறகு சுதந்திர போராட்டத்தில் ஜெய்ஹிந்த் என்ற வார்த்தையை உச்சரிக்காத வீரர்களே இல்லை என்ற நிலை ஏற்பட்டது.

சுதந்திர போராட்ட காலத்தில் ஜெய்ஹிந்த் என்ற வார்த்தையை கேட்டால் வெள்ளையர்கள் பதறினார்கள். ஆனால் இப்போது ஜெய்ஹிந்த் என்ற வார்த்தையை கேட்டால், கொள்ளையர்களும், தேசத்துரோகிகளும், பிரிவினைவாத சக்திகளும் பதறுகிறார்கள். அப்படிப்பட்ட ஒரு மந்திரசொல் ஜெய்ஹிந்த்

ஒவ்வொரு இராணுவவீரனின் ரத்தத்திலும் ஊறிப்போன கோஷம் ஜெய்ஹிந்த். இந்த தேசத்தை தெய்வமாக நேசிக்கின்ற ஒவ்வொரு தேசபக்தனின் ஆன்மாவிலும் உறைந்து போன கோஷம் ஜெய்ஹிந்த். அப்படிப்பட்ட புனிதமான மந்திர சொல்லை இழிவுப்படுத்தியது மட்டுமல்லாமல், திமுக எம்எல்ஏ அவர்கள் அதனை நியாயப்படுத்தியும் வருகிறார்.

அப்பழுக்கற்ற சுதந்திர போராட்ட வீரர்களை இழிவுப்படுத்துபவர்களுக்கு துணை போது என்பது திமுகவிற்கு புதிது அல்ல. கடந்த 17ம் தேதி சுதந்திர போராட்ட மாவீரன், வாஞ்சிநாதன் அவர்களின் தியாகத்திருநாள் கடைபிடிக்கப்பட்டது. ஆனால் முதலமைச்சரோ, அல்லது ஏதாவது ஒரு அமைச்சரோ அந்த மாவீரனின் திருவுருவச்சிலைக்கு மரியாதை செலுத்தவில்லை. அவரது திருவுருவ படத்திற்கு கூட முதல்வர் திரு. ஸ்டாலின் அவர்களோ அல்லது திமுக அமைச்சர்களோ மலர்தூவி மரியாதை செலுத்த முன் வரவில்லை.

ஆனால் மாவீரன் வாஞ்சிநாதனை இழிவுப்படுத்திய தேசத்துரோக கும்பல்களுக்கு, சிவப்பு கம்பள வரவேற்பு வழங்கப்பட்டது.

திராவிட தமிழர்கட்சி, ஆதி தமிழர் பேரவை, ஆதி தமிழர் கட்சி, விடுதலை சிறுத்தைகள் கட்சி, திராவிட கழகம் உள்பட பல்வேறு அமைப்புகள் மற்றும் கட்சிகளை சேர்ந்தவர்கள், தொடர்ந்து பல ஆண்டுகளாக சுதந்திர போராட்ட மாவீரன் வாஞ்சிநாதனை இழிவுப்படுத்தி வருகிறார்கள். அவர்களுக்கு திமுக ஆதரவு அளித்து வருகிறது.

மற்றொரு புறம் அவர்கள், கப்பலோட்டிய தமிழர் வ.உ.சிதம்பரம் பிள்ளை, சுப்பிரமணிய சிவா போன்ற உன்னதமான சுதந்தி போராட்ட வீரர்களை சிறையில் அடைத்து, பல்வேறு சித்தரவதைகளையும், கொடுமைகளையும் நிறைவேற்றிய வெள்ளைக்கார கலெக்டர் ஆஷை கொண்டாடி மகிழ்கின்றனர்.

சுதந்திர போராட்ட வீர்ர்களை இழிவுப்படுத்தும் நபர்களுக்கு, திமுக தொடர்ந்து ஆதரவு அளித்து வருவதால் அந்த தேசத்துரோக கும்பல்கள் ஊக்கம் பெற்று, சுதந்திர போராட்ட தியாகிகளை இழிவுப்படுத்துவதை தொடர்ந்து அரங்கேற்றி வருகின்றது. அந்த வரிசையில் தான் இப்போது ஜெய்ஹிந்த் என்ற முழக்கத்தை இழிவுப்படுத்தி, அதன் மூலம் ஒட்டு மொத்த சுதந்திர போராட்ட வீர்ர்களையும், தியாகிகளையும் கொச்சைப்படுத்தி உள்ளார்கள். திமுகவின் இந்த இழிசெயல் வன்மையாக கண்டிக்கத்தக்கது.

ஜெய்ஹிந்த் கோஷத்தை இழிவுப்படுத்திய, திமுக எம்எல்ஏ சார்பில் திமுக தலைவரும், முதல்வருமான திரு. மு.க. ஸ்டாலின் அவர்கள், பகிரங்கமாக நாட்டு மக்களிடம் மன்னிப்பு கேட்க வேண்டும். வருகின்ற காலங்களில் தமிழக சட்டசபையில், பாரதிய ஜனதா கட்சியின் எம்எல்ஏக்கள், பாரத் மாதாகி ஜெய், வந்தே மாதரம், ஜெய்ஹிந்த் போன்ற தேசபக்த முழக்கங்களை தொடர்ந்து எழுப்புவார்கள் என்பதை தெரிவித்துக் கொள்கிறேன்.

நன்றி எல் முருகன்

பாஜக மாநில தலைவர்

One response to “ஜெய்ஹிந்த் அன்று வெள்ளையர்கள் பதறினார்கள் இன்று கொள்ளையர்களும், பிரிவினை பேசுபவர்களும் பதறுகிறார்கள்”

Tamilthamarai

தற்போதைய செய்திகள்

அனைவரும் இணைவோம்-அனைவரின் வளர் ...

அனைவரும் இணைவோம்-அனைவரின் வளர்ச்சிக்காக முயற்சிப்போம் பிரதமர் திரு நரேந்திர மோடி, அசாம் மாநிலம் பார்பேட்டாவில் ...

‘க்வாட்’ அமைப்பின் மதிப்பை சீா ...

‘க்வாட்’ அமைப்பின் மதிப்பை சீா்குலைக்க முயற்சி ‘தவறான தகவ ல்கள் மூலம் ‘க்வாட்’ அமைப்பின் மதிப்பை ...

வடகிழக்கு மாநிலங்கள் அதிக தொகு ...

வடகிழக்கு மாநிலங்கள் அதிக தொகுதிகளில் களமிறங்கும் பாஜக மேகாலயாவில் மொத்தமுள்ள 60 தொகுதிகளிலும், நாகாலாந்தில் 20 தொகுதிகளிலும் ...

தீய சக்திகளை ஒழிக்க அதிமுக ஒன்ற ...

தீய சக்திகளை ஒழிக்க அதிமுக ஒன்றுசேர வேண்டும் ஈரோடு கிழக்கு சட்ட சபை இடை தேர்தலுக்காக அதிமுக ...

வளர்ந்த இந்தியாவிற்கான விருப் ...

வளர்ந்த இந்தியாவிற்கான விருப்பங்கள் மற்றும் தீர்வுகளுக்கன அடித்தளம் வளர்ந்த இந்தியாவிற்கான விருப்பங்கள் மற்றும் தீர்வுகளுக்கு வலுவான அடித்தளத்தை ...

மத்திய பட்ஜெட் ஒரு பார்வை

மத்திய பட்ஜெட் ஒரு பார்வை அனைவரையும் உள்ளடக்கிய வளர்ச்சி கடைசி நபரையும் சென்றடைந்தது முதலீடு மற்றும் கட்டமைப்பு ஆற்றல் மற்றும் வெளிக்கொணர்தல் பசுமை வளர்ச்சி இளைஞர் சக்தி ...

மருத்துவ செய்திகள்

நோய்களும் பரிகாரங்களும்

நோய்களுக்கு பிரதான காரணங்கள் இரண்டு. சரீரத்தில் ஏற்படும் மிதமிஞ்சிய வெப்பம் அல்லது மிதமிஞ்சிய ...

தும்பையின் மருத்துவக் குணம்

தும்பை இலையைக் கொண்டுவந்து நைத்து, சாறு எடுத்து வடிகட்டி அரை டம்ளர் அளவு ...

காதில் வரும் நோய்கள்

காதில் என்ன நோய் வந்துவிடப் போகிறது என்று யாரும் நினைக்க வேண்டாம். வாய் ...