மஞ்சள்காமாலை சித்த மருத்துவ சிகிச்சை

 மஞ்சள் காமாலைக்கு சித்த மருத்துவ சிகிச்சை குடிதண்ணீரில் நஞ்சு, சுவாசிக்கும் காற்றில் அசுத்தம், உண்ணும் உணவில் கலப்படம், மது, மாமிசம், புகைப்பழக்கம், போதை பொருட்களால் முதலில் பாதிக்கப்படுவது நுரையீரல், கல்லீரல், சிறுநீரகம் ஆகியன. இவற்றின் செயல்திறன் குறையும்போது இரத்தம் வலிமை குன்றி நோய் எதிர்ப்புச் சக்தி நாளுக்கு நாள் பலமிழந்து இரத்தசோகை ஏற்படுகிறது. இந்தக் கட்டத்தில்தான் எல்லாவித வைர°களும் சுறுசுறுப்படைந்து இரத்தத்தில் கலந்து இரத்தத்தின்

இயல்புகளை சிதைக்கின்றன. அவ்வாறு சிதைவு அடையும் இரத்தம், பல நோய்களுக்கு வழிவிடுகிறது. அவற்றுள் ஒன்றுதான் ‘மஞ்சள் காமாலை’. முதலில் இரத்த சோகை, பசியின்மை, ருசியின்மை, கண் பார்வை மங்கல் மேனி வெளுத்தல், உடல் உஷ்ணமடைதல், தோல் வற்றிப் போதல், கை கால் வலி, அசதி, மலம் வெளுத்துப் போதல், சிறுநீர் எரிச்சலுடன் மஞ்சளாகப் போதல் எனப் படிப்படியே காமாலை நோய்க் குறிகள் தென்படும். இந்தக் கட்டத்தில் உடனடியாக சிறுநீரையும், இரத்தத்தையும் சோதித்தால் காமாலையின் தாக்குதல் எந்த நிலையில் உள்ளது என கண்டறியலாம்.

 மஞ்சள் காமாலை

இத்துடன் கட்டாயம் பார்க்க வேண்டியது Hbs Ag எனும் B-virus காமாலை மற்றும் C-virus காமாலை ஆகும். Bilirubin 2க்கு மேல் இருக்குமேயானால் காமாலை அதி விரைவாக வளர்கிறது என்று அர்த்தம். அதேபோல் SGOT, SGPT, Alkaline Phosphate 100க்கு மேல் செல்லுமானால் காமாலை தீவிரமடைகிறது என்று பொருள். உடனடியாக எல்லாவிதமான நார்மல் உணவுகளை நிறுத்திவிட்டு உப்பில்லாத மோர்சாதம், இளநீர், கஞ்சி மட்டும் சாப்பிட்டு காலை-மாலை கீழாநெல்லி செடியை வேருடன் பிடுங்கி அலசி அதில் வெந்தயம் கால் °பூன் சேர்த்தரைத்து மோருடன் சாப்பிட வேண்டும்.

மஞ்சள் கரிசலாங்கண்ணி இலைகளை காலை – பகல் இருவேளை 10 இலைகளைப் பறித்து வெந்நீரில் அலசி அப்படியே மென்று சாப்பிட வேண்டும். சித்த மருத்துவத்தில் திரிபலா சூரணம், தாளிசாதி சூரணம், ஏலாதி சூரணம் என்று சில சூரணங்கள் உண்டு. இவற்றை மாத்திரை வடிவிலும் பெறலாம். காலை-மாலை-இரவு இவற்றை கால் °பூன் வீதம் சர்க்கரையுடன் கலந்து சாப்பிட வேண்டும். மாத்திரை என்றால் 2 மாத்திரை வீதம் சாப்பிடலாம். அதாவது காலையில் ஏலாதி சூரணம் கால் °பூன், மாலையில் தாளிசாதி சூரணம், இரவில் திரிபலா சூரணம். இப்படி தினசரி சாப்பிட்டு உப்பில்லா பத்தியம் 1 வாரம் இருக்கவும். பழங்கள், காய்கறிகள், கீரைகள், ஊறுகாய், பட்சணங்களைக் குறைந்தது 15 நாட்களுக்குச் சாப்பிடக் கூடாது. வெந்நீரை ஆறவைத்துப் பருகவும்.

பாத்ரூமை உடனடியாகக் கழுவவும். பசிக்கும் போதெல்லாம் உப்பில்லாத அரிசி நொய் கஞ்சி, பார்லி கஞ்சி, கோதுமை ரவை கஞ்சி, மோர் சாதம், இளநீர் போன்றவற்றை பகலிலும், இரவில் பால் சாதம், பால் மட்டும் சாப்பிடலாம். தேவையானால் சர்க்கரை சேர்க்கலாம். வாரம் 1 நாள் மீண்டும் சிறுநீர் இரத்தத்தைச் சோதித்தால் எல்லாம் பாதி அளவு குறைந்திருக்கும். இதே உணவு மருந்துகளை மேலும் 1 வாரம் நீடித்தால் காமாலை கட்டுப்பாட்டுக்குள் வந்துவிடும். அதற்குப்பின் 1 மாதம் வேகவைத்த உணவுடன் உப்பு பாதி அளவு மட்டும் சேர்த்து சாப்பிட்டு வரவும். இறுதியாக ஒருமுறை காமாலைக்கான இரத்தம், சிறுநீர் சோதிக்கவும். எல்லாம் நார்மலாக இருக்குமேயானால் படிப்படியாகப் பொறியல், அவியல், வறுவல் சேர்க்கலாம். 6 மாதம் கழித்து அசைவ உணவு சேர்க்கலாம்.

B-virus, C-virus (Hbs Ag Positive) காமாலையால் பாதிக்கப்பட்டவர்கள் ஒன்று முதல் மூன்று ஆண்டுகள் வரை பாதி உப்பு, சைவ உணவு என்று பத்தியமுடன் சித்த மருத்துவ சிறப்பு சிகிச்சை பெற்றுவர அவை negative ஆக மாற வாய்ப்புண்டு.

மஞ்சள் காமாலை, மஞ்சள்காமாலை

One response to “மஞ்சள்காமாலை சித்த மருத்துவ சிகிச்சை”

Leave a Reply

Tamilthamarai

தற்போதைய செய்திகள்

100 நாளுக்கான செயல் திட்டத்தின் ம ...

100 நாளுக்கான செயல் திட்டத்தின் முக்கிய முன்முயற்சிகள் குறித்து மத்திய அமைச்சர் ஆய்வு மத்திய சமூகநீதி மற்றும் அதிகாரமளித்தல் துறை அமைச்சர் டாக்டர் ...

செங்கோடி 2024 பயிற்சியில் பங்கேற் ...

செங்கோடி 2024 பயிற்சியில் பங்கேற்ற இந்திய விமானப்படை ஜூன் 04 முதல் ஜூன் 14 வரை அமெரிக்க ...

பாதஹஸ்தாசனம் காணொளிக்காட்சிகள ...

பாதஹஸ்தாசனம் காணொளிக்காட்சிகளை மோடி பகிர்ந்துள்ளார் பாதஹஸ்தாசனம் அல்லது கைகளால் கால்களைத் தொடும் யோகா நிலை ...

ஜி 20 மாநாட்டில் மோடி- இன் உரை

ஜி 20 மாநாட்டில் மோடி- இன் உரை தொழில்நுட்பத்தை ஆக்கப்பூர்வமானதாக ஆக்குங்கள் என்றும்; அழிவுகரமானதாக அல்ல என்றும் ...

ஸ்மிரிதி வனம் இடம் பெற்றிருப்ப ...

ஸ்மிரிதி வனம் இடம் பெற்றிருப்பது குறித்து மோடி மகிழ்ச்சி 2001-ம் ஆண்டு ஏற்பட்ட துயர சம்பவத்தில் உயிரிழந்தவர்களுக்கு அஞ்சலி ...

இந்தியா-வின் முற்போக்கான பாதை எ ...

இந்தியா-வின் முற்போக்கான பாதை என்ற தலைப்பில் நாளை நடக்கும் மாநாடு 2023 டிசம்பர் 25ந்தேதி. "பாரதிய நியாய சன்ஹிதா 2023", ...

மருத்துவ செய்திகள்

தலைவலி குணமாக

கடுக்காய், நெல்லிக்காய், தான்றிக்காய் போன்றவற்றைப் பொடித்து இரவில் படுக்கும்முன் ஒரு தேக்கரண்டியளவு வெந்நீரில் ...

எலுமிச்சையின் மருத்துவக் குணம்

உடல்சூடு தணிக்கவும், பசித்தூண்டியாகவும் செயல்படுகிறது. பழச்சாறு, கரிசலாங்கண்ணிச்சாறு, பால் வகைக்கு அரைலிட்டர் வீதம் எடுத்து ...

தாமரையின் மருத்துவக் குணம்

செந்தாமரை மலரின் இதழ்களை மட்டும் ஆய்ந்து எடுத்து, 5௦ கிராம் இதழ்களை ஒரு ...