பாரதிய ஜனதா பிரதமர்வேட்பாளர் யார் என்பது குறித்து , உயர் மட்ட தலைவர்களிடையே எந்த விதமான கருத்துவேறுபாடுகளும் இல்லை; இதுதொடர்பாக, பா.ஜ.க., பார்லிமென்ட் போர்டு தான் முடிவுசெய்யும்,” என்று , பாஜக., பொது செயலர் ராஜிவ் பிரதாப் ரூடி தெரிவித்துள்ளார்.

பாட்னாவில், நிருபர்களிடம் இது குறித்து அவர் மேலும் தெரிவித்ததாவது ; காங்கிரஸ் தலைமையிலான, ஐ.மு.,கூட்டணி அரசு, எல்லா விதத்திலும் தோல்விகண்டுள்ளது. இதனால், வரும் லோக் சபா தேர்தலில், காங்கிரஸ் படுதோல்வியடைந்து, பா.ஜ.க., ஆட்சியை கைப்பற்றும்.

பிரதமர் வேட்பாளர் குறித்து , பாஜக , உயர்மட்டத் தலைவர்களிடையே எந்த விதமான கருத்துவேறுபாடுகளும் இல்லை. ராஜ்நாத்சிங் தலைமையில், எல்லா தலைவர்களும் ஓரணியில் உள்ளோம். பிரதமர்வேட்பாளர் யார் என்பது பற்றி கட்சியின், பார்லிமென்ட் போர்டுதான் இறுதி முடிவுசெய்யும். கட்சியின் நிலைகுறித்து, உரியநேரத்தில், மீடியாக்களுக்கு தெரிவிக்கப்படும். என்று ராஜிவ் பிரதாப்ரூடி தெரிவித்தார்.