குஜராத் முதல்வர் நரேந்திரமோடி, மதசார்பற்றவர், நேர்மையான தலைவர் , பிரதமர் பதவிக்கு தகுதியானவர். 2014 லோக்சபா தேர்தலுக்கு முன்பாக அவரை பிரதமர் வேட்பாளராக, பாஜக , அறிவிக்க வேண்டும்,”என்று ராம்ஜெத்மலானி கருத்து தெரிவித்துள்ளார் .

இது குறித்து நிருபர்களிடம் அவர் மேலும் கூறியதாவது: பிரதமர் வேட்பாளரை, பா.ஜ.க., முன்னதாகவே அறிவிக்கவேண்டும் என, மக்கள் எதிர் பார்க்கின்றனர். தேர்தலுக்கு பின், பிரதமர்வேட்பாளர் யார் என, அறிவிப்பது பாதகமானவிளைவுகளை ஏற்படுத்தும்.

மோடி பிரதமர் வேட்பாளராக எதிர்ப்புத்தெரிவிப்பவர்கள், ஊழல் நிறைந்த, ஐ.மு., கூட்டணி அரசு பதவியில் நீடிக்கவேண்டும் என, நினைப்பவர்களே. மோடியை விமர்சிப்பவர்கள், இந்திய அரசியல்சட்டத்தை கவனமாக படிக்கவேண்டும்.

அதில், மத சார்பின்மைக்கு விளக்கம் தரப்பட்டுள்ளது. அதைப்புரிந்து கொள்ளாதவர்களே, மதசார்பின்மை எனும் பிரச்னையை கிலப்புகின்றனர் . மதவாதம் , மத சார்பின்மை என்ற வார்த்தைகள், இன்றையநாளில், தவறாக பயன்படுத்தப்படுகின்றன. தவறான புரிதல் அதன் அர்த்தம் மற்றும் முக்கியத்துவம் தெரியாமலேயே, பலர் தவறாகப் பயன் படுத்துகின்றனர். மோடி, நம் நாட்டின் ஈடு இணையற்ற மதச்சார்பற்ற தலைவர். அவர், 100 சதவீதம் மதச்சார்பற்றவர்.

மோடியை பிரதமர்வேட்பாளராக அறிவித்தால், பா.ஜ.க.,வும், தே.ஜ., கூட்டணியும், வரும் லோக்சபாதேர்தலில், நிச்சயம் பலன்அடையும்.என்று ராம்ஜெத்மலானி கூறினார்.