13 வயதுக்குட் பட்டவர்கள் ‘பேஸ் புக்’ கணக்குதொடங்குவதை மத்திய அரசு தடைசெய்ய வேண்டும் என்று டெல்லி உயர்நீதிமன்றம் உத்தரவிட்டுள்ளது.

18 வயதுக்குட்பட்ட மைனர்கள் பேஸ்புக் உள்ளிட்ட தளங்களில் கணக்குதொடங்குவது இந்திய மெஜாரட்டி சட்டம், இந்திய ஒப்பந்தசட்டம், தகவல் மற்றும் தொழில்நுட்ப சட்டத்தை மீறுவதாக உள்ளது. எனவே 18 வயதுக்குட் பட்டவர்கள் பேஸ்புக் உள்ளிட்ட தளங்களில் கணக்கு தொடங்குவதை தடைசெய்ய வேண்டும் என்று பாஜக. மூத்த தலைவர் கேஎன்.கோவிந்தாச்சாரியா டெல்லி உயர் நீதிமன்றத்தில் பொதுநலமனு ஒன்றினை தாக்கல்செய்திருந்தார்.

இந்தமனுவை விசாரித்த நீதிபதி பிடி.அஹமத் கூறியதாவது “‘நமது பிள்ளைகளை நாம் காப்பாற்றவேண்டும். சட்ட புறம்பான ‘ஆன்லைன்’ செயல்பாடுகளில் பெரியவர்கள், அப்பாவி சிறுவர்கள் ஈடுபட்டு வருகின்றனர்.

அமெரிக்கா உள்ளிட்ட நாடுகளில் இதை போன்ற தளங்களில் கணக்கு தொடங்கு வதற்கான குறைந்தபட்ச வயதுவரம்பு 13 என்று குறிப்பிடப்பட்டுள்ளது. சமூக நிலைமைகளை கருத்தில்கொண்டு, இந்தியாவிலும் 13 வயதுக்குட் பட்டவர்கள் இதை போன்ற தளங்களில் கணக்குதொடங்குவதை மத்திய அரசு தடைசெய்ய வேண்டும். “என்று அந்த உத்தரவில் கூறப்பட்டுள்ளது.