மத்திய திட்டக் கமிஷன் வெளியிட்டுள்ள, வறுமைகோட்டிற்கு கீழே வாழும் ஏழை மக்களின் எண்ணிக்கை குறைந்துவிட்டது என்ற புள்ளி விவரம், ஏழைகளை வேண்டும்மென்றே வஞ்சிக்கும் மத்திய அரசின் சதித் திட்டம் என, பாஜக கண்டித்துள்ளது

.
மான்டேக்சிங் அலுவாலியாவை துணைத் தலைவராக கொண்ட மத்திய திட்டக் கமிஷன், நேற்று முன்தினம், புள்ளிவிவர அறிக்கைஒன்றை வெளியிட்டது. அதில், நாட்டில் ஏழைகள் எண்ணிக்கை குறைந்துவிட்டது; மக்களின் வருமானம் அதிகரித்துவிட்டது என்ற, ரீதியில் புள்ளி விவரங்கள் இடம் பெற்றிருந்தன. அந்த தகவல் முழுவதும்பொய் என, மறுத்துள்ள பா.ஜ., செய்தித்தொடர்பாளர், பிரகாஷ் ஜாவடேகர் கூறியதாவது:

உச்ச நீதிமன்ற உத்தரவின்படி, ரங்கராஜன்கமிட்டி, நாட்டின் ஏழைமக்கள் தொடர்பான கணக்கெடுப்பை நடத்தி கொண்டிருக்கிறது. இந்நிலையில், திடீரென, ஏழைமக்கள் குறைந்து விட்டனர்; மக்களிடம் பணப் புழக்கம் அதிகரித்துவிட்டது என, மத்திய திட்டக் கமிஷன் அறிக்கை வெளியிட்டுள்ளது. இதில் உள்நோக்கம் இருப்பதாக, நாங்கள் சந்தேகிக்கிறோம்.

தினமும், 34 ரூபாய்க்குமேல் சம்பாதிப்பவர்கள், வறுமைகோட்டிற்கு மேலானவர்கள் என, காங்கிரஸ் தலைமையிலான ஐ.மு., கூட்டணி அரசு தெரிவிக்கிறது. 34 ரூபாயைவைத்து, ஒரு நாளை நடத்தமுடியுமா? அப்படி யாராவது இருந்தால், அவர்களை காண்பிக்கவேண்டும். ஏழைகள் எண்ணிக்கை குறைந்துவிட்டது; வறுமை கோட்டிற்குகீழே உள்ளவர்கள் எண்ணிக்கை வீழ்ச்சி அடைந்துவிட்டது என்று தெரிவிப்பதை, ஏழைகளுக்கு பலன்கள்கிடைக்காமல் செய்வதற்கான சதித்திட்டமாக நாங்கள் நோக்குகிறோம்.

விலைவாசி உயர்வால், அல்லாடும் நாட்டுமக்கள், இந்த அறிக்கையை பார்த்து சிரிக்கின்றனர். இந்த அறிக்கை, அரசியல்மோசடித்தனம். சமீபத்தில் வெளியான, அர்ஜுன் சென்குப்தா கமிட்டி அறிக்கையின்படி, நாட்டில், 70 சதவீதத்திற்கும் மேற்பட்டோர், வறுமைகோட்டிற்கு கீழே உள்ளனர்.

நிலைமை இவ்வாறு இருக்க, தாங்கள்மேற்கொண்ட பொருளாதார நடவடிக்கைகளால், நாட்டில் ஏழைகள் இல்லாமல் போய் விட்டனர் என, மத்திய அரசும், திட்டக் கமிஷனும் தெரிவித்திருப்பது, ஏழைகளை வஞ்சிக்கும்செயல். இவ்வாறு, பிரகாஷ் ஜாவடேகர் கூறியுள்ளார். இவ்வாறே, தேசியவாத காங்கிரஸ், மார்க்சிஸ்ட், பிஜு ஜனதா தளம் உள்ளிட்ட கட்சிகளும், மத்திய அரசுக்கு கண்டனம் தெரிவித்திருக்கின்றன