அமெரிக்க காங்கிரஸ் உறுப்பினர்கள் மற்றும் தொழில் அதிபர்கள், அமெரிக்காவின் முன்னேற்றத்திற்கு முக்கிய மானது இந்தியாவுடனான வலுவான நல்லுறவே என்று நம்புகின்றனர் என்று அமெரிக்க அதிபர் ஒபாமா கூறினார்.

புதுடெல்லி ஐதராபாத் இல்லத்தில் இந்தியா – அமெரிக்கா அதிகாரிகள் இடையிலான இருதரப்பு பேச்சுவார்த்தை நடைபெற்றது. பேச்சுவார்த்தையை தொடர்ந்து பிரதமர் மோடி மற்றும் ஒபாமா கூட்டாக செய்தியாளர்களிடம் பேசினர்.

அமெரிக்க அதிபர் பாரக் ஒபாமா பேசுகையில், மிகவும் தாராளமாக வார்த்தை களுக்கு பிரதமர் நரேந்திர மோடிக்கு நன்றி தெரிவித்து கொள்கிறேன். கடந்த வருடம் மாடிசன் சதுக்கத்தில் பிரதமர்மோடி பாலிவுட் நட்சத்திரம் போன்று வரவேற்கப்பட்டார். அமெரிக்கா – இந்தியா இடையிலான வர்த்தகம் 60 சதவீதம் வரையில் உயர்ந் துள்ளது. அமெரிக்க காங்கிரஸ் உறுப்பினர்கள் மற்றும் தொழில் அதிபர்கள், அமெரிக்காவின் முன்னேற்றத்திற்கு முக்கிய மானது இந்தியாவுடனான வலுவான நல்லுறவே என்று நம்புகின்றனர். சுத்தமான எரி சக்தி மற்றும் கால நிலை மாற்றத்திற்கு ஆதரவு ஆகியவற்றை ஊக்குவிக்க செய்வதில் நாங்கள் உடன் பட்டிருப்பது மிகவும் மகிழ்ச்சியாக உள்ளது.

இரு நாடுகள் இடையேயான பாதுகாப்பு ஒத்துழைப்பை மேம்படுத்த முடிவு செய்யப் பட்டுள்ளது. ஈரானில் இருந்து அணு ஆயுதங்களை வாங்குவதை தடை செய்ய தொடர்ந்து நடவடிக்கை எடுத்த பிரதமர் மோடிக்கு நன்றி தெரிவித்து கொள்கிறேன். இருவரும் இணைந்தே இருப்போம். என்று கூறினார்.

பின்னர் செய்தியாளர்களின் கேள்விகளுக்கு இருவரும் பதில் அளித்துபேசினர். அமெரிக்க அதிபர் ஒபாமாவிடம் ரஷியா மற்றும் ஏமன் விவகாரம் தொடர்பாக கேள்வி எழுப்பட்டது. இதற்கு ஒபாமா பதில் தருகையில் , ரஷியாவின் பொருளாதாரம் பலவீன மடைவதை அமெரிக்கா விரும்ப வில்லை. ரஷியா மீதான பொருளாதாரதடை தொடரும். ஏமனில் நிலவும் அரசியல் சூழல் கவலையளிக்கிறது. ஏமனில் பெரும்பாலான மக்கள் அரசியல் தீர்வையே விரும்புகின்றனர். என்று கூறினார்.