பீகார் செல்லும் பிரதமர் நரேந்திரமோடி மீது மனித வெடி குண்டு மூலம் தாக்குதல் நடத்த சதித்திட்டம் தீட்டப்பட்டுள்ளதாக மத்திய உளவுத் துறை எச்சரித்துள்ளது.

பிரதமர் நரேந்திரமோடி பீகாரின். பாட்னா மற்றும் முசாபர் நகரில் நடைபெறும் இரண்டு பொதுக்கூட்ட பேரணிகளில் கலந்துகொள்கிறார். பீகாரில் தேர்தல் நடைபெறவுள்ள நிலையில், இந்த பயணம் முக்கியத்துவம் பெற்றுள்ளது. இந்நிலையில், மோடி பாட்னா அல்லது முசாப்பர் பூர் பயணத்தின் போது அவர் மீது மனிதவெடிகுண்டு மூலம் தாக்குதல் நடத்த வாய்ப்புள்ளதாகவும், உஷாராக இருக்குமாறு மாநில போலீசார் மற்றும் சிறப்புபாதுகாப்பு குழுவினரிடம் மத்திய உளவுத் துறை தெரிவித்துள்ளதாக பீகார் மாநில மூத்த போலீஸ் அதிகாரி தெரிவித்தார்.

நன்கு பயிற்சிபெற்ற பெண் மாவோயிஸ்ட் மனிதகுண்டாக மாறி இந்த தாக்குதலை நடத்த உள்ளதாகவும் அவர்கள் தெரிவித்துள்ளனர். இதனால் பிரதமரின் பயணம் மற்றும் கலந்துகொள்ளும் நிகழ்ச்சியில் பாதுகாப்பு பலப்படுத்தப் பட்டுள்ளது. மேலும், செய்தியாளர், போலீஸ் அதிகாரி, எலக்ட்ரீசியன், தொழிலாளர் வேஷத்தில் இந்ததாக்குதல் நடத்தப்படலாம் எனவும் எச்சரிக்கை விடுக்கபட்டுள்ளது. மத்திய உளவுத் துறை எச்சரிக்கையை அடுத்து முன்னெப்போதும் இல்லாத அளவுக்கு பிரதமர் வருகையொட்டி வரலாறுகாணாத பாதுகாப்பு ஏற்பாடுகள் செய்யப்பட்டுள்ளன.