லண்டன் ஆக்ஸ்போர்டு பல்கலைக் கழகத்தில் முன்னாள் காங்கிரஸ் அமைச்சர் சசிதரூர் பேச்சுக்கு, பிரதமர் நரேந்திர மோடி பாராட்டு தெரிவித்தார்.

நாடாளுமன்ற கட்டிடத்தில் எம்.பி.க்களுக்கான புதிய நிகழ்ச்சியின் தொடக்க விழாவில் பிரதமர் நரேந்திர மோடி பேசியதாவது:-

லண்டன் ஆக்ஸ்போர்டு பல்கலைக் கழகத்தில் காலனியாதிக்கம் பற்றி சசிதரூரின் பேச்சு தற்போது யூடியூபில் பெரும்வரவேற்பை பெற்றுள்ளது. நாட்டுப்பற்றுடைய இந்தியர்களின் உணர்வுகளுடன் சசிதரூரின்பேச்சு ஒன்றிப்போயுள்ளது. சரியான விஷயங்களை சரியான இடத்தில் திறமையான வாதங்களை முன்வை துள்ளார் என பாராட்டியுள்ளார்.

அப்போது, முன் வரிசையில் அமர்ந்திருந்த சசி தரூர், பிரதமர் நரேந்திர மோடியின் பாராட்டைகேட்டு மகிழ்ச்சி அடைந்தார்.

லண்டன் ஆக்ஸ்போர்டு பல்கலைக் கழகத்தில் சமீபத்தில் நடைபெற்ற ஒருவிவாதத்தில் பேசிய காங்கிரஸ் எம்.பி. சசிதரூர், இந்தியாவை 200 ஆண்டுகள் ஆட்சிசெய்து கொள்ளையடித்ததற்காக இங்கிலாந்து நஷ்டஈடு தரவேண்டும் என்று கூறியிருந்தார் என்பது குறிப்பிடத்தக்கது.