நாட்டை சூறையாடிய வர்களால் தான் கொள்ளையைப் பற்றி சிந்திக்க முடியும் என குஜராத் தேர்தல் பிரச்சார கூட்டத்தில் பிரதமர் நரேந்திரமோடி பேசினார்.

குஜராத் மாநில சட்டப்  பேரவைத் தேர்தல் இரண்டு கட்டங்களாக நடைபெறுகிறது. மொத்த முள்ள 182 தொகுதிகளில், முதல்கட்டமாக 89 தொகுதிகளுக்கு, டிசம்பர் 9-ம் தேதியும், இரண்டாம் கட்டமாக, 93 தொகுதிகளுக்கு டிசம்பர் 14-ம் தேதியும் வாக்குப்பதிவு நடைபெறுகிறது. தேர்தலில் பதிவானவாக்குகள் டிசம்பர் 18-ம் தேதி எண்ணப் படுகிறது.

இந்நிலையில் பாஜக வேட்பாளர்களை ஆதரித்து பிரதமர் நரேந்திர மோடி மோர்பி நகரில் நடந்த பொதுக் கூட்டத்தில் பேசினார். அப்போது, ஷோலே இந்தி திரைப்பட வில்லன்பெயரில் ‘கப்பர் சிங் வரி’ என ஜிஎஸ்டி பற்றி ராகுல்காந்தி விமர்சனம் செய்து வரும் நிலையில் அதற்கு பதிலடி கொடுக்கும் வகையில் பேசினார்.

பிரதமர் மோடி பேசியதாவது:

''குஜராத்தில் காங்கிரஸ் ஆட்சிக் காலத்தில் மிகப் பெரிய திட்டங்கள் எதுவும் செயல்படுத்தப் படவில்லை. மாநிலத்தின் குடி நீர் தேவைக்காக கைபம்புகள் மட்டுமே வழங்கப்பட்டன. இதையே மிகப் பெரிய சாதனையாக காங்கிரஸ் கூறுகிறது.

ஆனால் குஜராத் மாநிலத்தின் பலபகுதி மக்களும் பயன்பெறும் வகையில் நர்மதாதிட்டத்தை செயல் படுத்தியது பாஜக அரசுதான். மத்தியிலும் மாநிலத்திலும் மிகமோசமான முறையில் ஆட்சி நடத்திய காங்கிரஸுக்கு ஊழலை பற்றி பேசத் தகுதிஇல்லை. நாட்டை சூறையாடி யவர்களால் தான் கொள்ளையைப் பற்றி சிந்திக்க முடியும்'' எனக்கூறினார்.